根據台灣《中央社》14號報導，在美國 特朗普政府註銷外國留學生簽證案例大增下，至少有4名被註銷簽證嘅中國留學生，日前已對美國政府提起訴訟。佢哋委託嘅一名辯護律師宣稱，呢波被註消簽證嘅留學生「絕大部來自中國」，歧視意味十足。

中媒《澎湃新聞》報導指，提出訴訟嘅4名中國留學生，分別來自加州大學柏克萊分校（UC Berkeley）及卡內基美隆大學（Carnegie Mellon University）。

4名留學生嘅委託律師 朱可亮指，考慮到事情「緊急且影響巨大」，4名當事人11號已在加州聯邦地區法院提起訴訟，對象係「美國政府官員」。而訴訟係為「所有受影響留學生」，而不僅係充當原告嘅幾名當事人。

朱可亮話，4名中國留學生主張，美方未提供任何通知、聽證、證據，僅憑「模糊嘅國家安全理由」終止其身分，甚至將數年前已撤銷嘅交通罰單、家庭糾紛指控作為依據，「以非法方式」基於「外僑身分、國籍、種族」對原告「實施歧視」。

佢表示，呢種「武斷且反覆無常」嘅行政行為，違反美國「行政程序法」及「憲法修正案」保障嘅正當程序及平等保護原則。因此要求美國聯邦政府中止該違規做法，並立即恢復所有受影響學生嘅身分。

佢計劃在當地時間14號向法院申請臨時禁止令，若法官同意申請，所有受影響人士嘅學生簽證身分，將有機會恢復。報導指，朱律師目前掌握嘅訊息顯示，受影響嘅部分留學生有過「被逮捕拘留記錄」，但未被法庭定罪；部分留學生「被開過交通單」；部分學生甚至未曾有過任何負面記錄。

朱可亮宣稱，呢波被註銷簽證身分嘅留學生，「絕大部分來自中國」，並認為其中嘅歧視意味十分明顯。並指，如果美國政府「可以咁樣肆意操作」，所有留學生都不安全。

除上述4名中國留學生外，朱可亮並指據其所知，先前已有2中國留學生分別提出訴訟；而《鳳凰衛視》曾對此報導指出，達特茅斯學院（Dartmouth College）中國籍博士生 劉曉天4號被註銷留學簽證後，即向法院提出申訴，被裁定臨時恢復簽證。