根據《自由亞洲電台》6號報導，因反送中運動、《港區國安法》而出現，加拿大專為港人所設嘅「救生艇計劃」，俾港人多一個途徑移居當地。措施實施至今近4年，當中3年開放式工簽（OWP）將於周五（7號）截止申請，不再延長。

加拿大傳媒報道引述移民部指，為香港畢業生而設嘅開放式工作簽證政策屬「臨時措施」，之後有意前往加拿大嘅港人，仍可申請其他工作簽。過去唔少港人透過申請OWP，較易在加拿大搵工，以更快滿足救生艇計劃 Stream B所要求「在加拿大工作1年」，便具備可申請永居權嘅條件。

救生艇計劃亦將於2026年8月結束，目前未有消息指當局會延期。截至舊年12月31號，有超過4.9萬人申請救生艇計劃下嘅「開放式工作簽」，其中有超過4萬人成功獲批。早前公布嘅資料顯示，目前救生艇計劃審批申請需時13個月。