根據《自由亞洲電台》（RFA）4號報導，近年有唔少在香港被下架嘅「敏感書籍」，在台灣「公共、大學」圖書館再次「重現」。而其實台灣學術重鎮「中央研究院」，近年亦成立咗「香港研究資料庫」，一年幾來，收集超過8700件「書籍、文宣、刊物」等可以反映香港時代變遷嘅藏品。

中研院香港資料褲嘅藏品，由80年代香港首次直選嘅宣傳單張，至服飾品牌「佐丹奴」於89年六四時販售嘅「鄧小平下台」TEE都有。負責計劃嘅 梁啟智表示，望透過唔同收藏，為香港保存真正歷史。

大家熟悉嘅 梁啟智，係講師、評論員，佢在台灣有一個好重要嘅身份，就係中央研究院香港研究計劃旗下「香港研究資料庫」嘅負責人。佢每日返工嘅第一件事，就係將來由四面八方所捐贈嘅香港相關物品加已「分門別類」。

在受訪前，梁啟智如數家珍向記者介紹其收藏，其中如「候選人簡介」，過去在香港選舉網上都有，現時已全部下架，想要閱覽唯有透過公眾收集返來嘅資料。

而部分大家較熟悉嘅人物「羅祥國、馮檢基」，比對其在1991年選舉時嘅傳單，就可見其相對現時嘅立場。資料庫亦有昔日可公開，現時卻會被視為「敏感」嘅資料。

該資料庫計劃成立大概一年半，在細細間嘅辦公室中，存有一叠一叠80年代起多次選舉嘅候選人宣傳單張，或者政黨及議員嘅工作報告。

其中亦有非政府機構嘅周年報告，以及除咗「中大、港大」外，唯一全套嘅「當代月刊」，及全套嘅電影雙週刊。佢指出，在1989年6月15號出版的嘅電影雙週刊，其封面「電影與民主」就有影星 劉德華、歌星 譚詠麟。

梁啟智表示，目前台灣有九千幾名香港學生，就讀學士至博士等課程，每年有三四十篇香港相關研究論文，資料庫首要希望可協助呢啲學生，以及在台灣嘅學者進行香港研究，亦希望吸引全球有興趣嘅研究者。

如有興趣捐贈嘅人士，亦可同該資料庫聯絡。梁啟智表示，只要反映到香港社會公民變遷嘅藏品，資料庫都希望接收，而最終目標係希望在中研院成立一個專門嘅「香港資料室」，有系統哋展示各式關於香港嘅研究資料。