台灣《鏡週刊》25號刊出報導指，「天王級」中國直播帶貨網紅「瘋狂小楊哥」，旗下公司「三隻羊」近日醜聞連環爆，除咗涉賣假「香港品牌」月餅鬧出風波，引起全網關注，後續負面消息及傳聞越爆越多。

首先傳出小楊哥本人出軌女徒弟 沫沫，搞出婚外情又搞大個肚，沫沫在引產墮胎後發現小楊哥同其他主播有染，向佢追討分手費1000萬不成，竟遭遇小楊哥夫妻設局，沫沫反因「敲詐勒索」入獄。

跟住又有段長2分鐘嘅音檔流出，內容係「三隻羊」董事 盧文慶嘅酒後真言，盧生話自己位高權重，想捧誰就捧誰、想邊個火邊個就有得火，又話旗下女主播個個都瞓過玩過。集體陪睡一事引爆全網。

週一23號再有新料爆出，網上有照片及54秒直撥片流傳，指在小楊哥直播期間，直播間內正上演活春宮！除咗背景傳來喘息撞擊聲，有眼尖網友發現喇叭鐵環倒影出現「男女裸體」，疑係直播兼撞鐘。

在「三隻羊」醜聞風暴連環爆之際，港星 曾志偉亦因曾為該品牌代言，在直播中露面、大力推銷販售月餅而身陷輿論風暴，近日就被人發現，曾志偉疑似要切割「三隻羊」，靜雞雞鏟走網上部分字眼。

報導指，在中秋節前夕，「三隻羊」旗下主播大力銷售「香港美誠月餅」，並強調其香港血統，創下單月4000幾萬銷售額後遭踢爆，不只月餅產自廣東，該品牌同香港一啲關係都冇，係100%偽港產品。

網友陸續挖出 曾志偉為「三隻羊」站台直播嘅細節，佢在8月2號出席「三只隻羊控股（香港）有限公司」開業晚宴，小楊哥甚至公開表示 曾志偉係香港分公司老闆，兩人在一年前就曾錄過片、關係密切。

而 曾志偉亦被發現，在醜聞連爆後就迅速切割，先係悄悄移除社媒內所有「三隻羊」字眼，並刪除所有相關訊息，有關「美誠月餅」嘅事件，曾志偉全部拒絕答覆。

其仔嘅新抱 王敏奕在24號出席活動時，再次被記者問到今次事件。由於 王敏奕亦曾現身直播現場，佢唯有解釋稱：自己單純係祝賀並支持公公嘅新事業，對月餅一事唔係好清楚。

此外，網友亦挖出 曾志偉當日現身直播嘅畫面，指 曾志偉在聆聽小楊哥叫賣時，塊面嘅表情好嚴肅並略帶疑惑，期間並不停搖頭，有網友批評 ，曾志偉明知對方講大話卻悶不出聲，唔去制止直播進行。

有網民表示，曾志偉出道咁耐，今次好似搵返做新人嘅感覺。有網民估，佢嘅眼神似被要挾並略帶不願意嘅態度。有網民稱，佢做咗公眾人物咁多年，明白香港法律亦知係虛假宣傳，發楞純粹係「保險」。

目前「三隻羊」對月餅一事持續避談，獨有回應錄音爆料嘅「集體陪睡」，睇上來應會繼續扮死。而 曾志偉亦恐難以解套，佢連續多年擔任X華月餅代言人，形象深植人心，如今力挺山寨假港產月餅，在香港引起巨大風暴都係意料之中。