根據台灣《自由時報》15號報導，中國 河北省 三河市近來實施招牌「色彩禁令」，全面禁用紅藍黑底色，商家紛改以綠色取代，使市區「一片綠」並引發爭議，代管單位 廊坊市連忙派出調查組處理，並將三河市委主要負責人免職，目前傳負責人係市委書記 付順義。

微博消息可見，中國知名手搖飲「蜜雪冰城」，其原招牌使用嘅係紅底白字，但在三河市分店卻被迫換成綠底白字，甚至連醫院嘅紅十字都被塗綠。

三河市城管單位表示，該改變係政府嘅城市規劃，招牌底色不可為「紅、藍、黑」，換成其他乜顏色都可以，不過，三河市當地商家不知點解好似大家講好一樣，基本上都選擇使用綠色。

三河市市監局主管先前受訪時指，紅色代表火，會讓人亢奮、煩躁，藍色又太俗氣，因此招牌要「去紅、去藍」，全係按書記方面嘅要求，打造出「學院風、國際化」。

不過，三河市廣告招牌「色彩禁令」受各方抨擊，斥該決定根本就係濫用權力影響經商，經上級單位 廊坊市介入調查後，今15號宣布將三河市委主要負責人免職。

不過報導指出，當局並冇說明所謂嘅「負責人」究竟係邊個，有眼尖嘅網友發現，市委書記 付順義嘅職稱已變成「原市委書記」，無疑係代表 付順義已被撤職。