根據《法廣》19號報導，美國太空軍太空作戰部副部長 蓋特萊恩（Michael Guetlein），周二18號出席活動時透露，美方觀察到多個中國衛星進行「同步控制」嘅協調演習，並將中方今次行動稱為「太空纏鬥」（dogfighting in space）。

蓋特萊恩當日在年度「麥卡利斯國防項目」會議上指出，美國太空軍偵測到，一個實力同美軍「旗鼓相當」嘅競爭對手，正通過「衛星對衛星」嘅操演行動，集中練習在太空纏鬥。

蓋特萊恩話，通過美國嘅商業資產，我哋觀察到太空中有五個唔同嘅太空物體，在同步控制嘅情況下，相互進出或環繞。即係所謂嘅太空纏鬥。對方似乎正練習緊自一粒衛星至另一粒衛星，進行在軌道上嘅太空操作戰術、技能及程序。

蓋特萊恩發表該評論後，美國太空軍證實其所指嘅係2024年，中國在低軌進行一系列衛星演習，涉及三粒試驗24號C衛星，以及實踐6號系列衛星05組A、B星。

傳統嘅「纏鬥」或稱「狗鬥」，意指戰鬥機之間空對空纏鬥，同太空中嘅概念並不同，由於太空冇摩擦力，物體須依靠推進器進行機動浮動。

蓋特萊恩並概述軌道上其他嘅敵對威脅，包括，可發射反衛星武器嘅「嵌套娃娃」、可跟蹤美國衛星嘅「間諜衛星」，以及裝有可牽引另一粒衛星，或將其作為人質抓鬥嘅衛星。

佢並指出，俄羅斯正在研發一種專為太空設計嘅核武。蓋特萊恩直指，有敵手願意違背國際行為準則，違背君子協定，其作為非常不安全、不專業。

但 蓋特萊恩亦不諱言，美國同其競爭對手之間嘅太空能力，差距正「大大縮細」。佢並敦促政府，在敵手佔上風之前，重新思考其太空策略。

過去，美國太空軍領導層曾積極呼籲政府，要提供更多資源建立太空優勢，並使用軍事力量防範威脅。蓋特萊恩強調，美國太空軍需要改變其文化，並積極培訓、購買新裝備，美方要取得幾大嘅成就，取決於願為太空優勢投入幾多資源。