根據台灣《自由時報》3號報導，美國總統 特朗普對中國加徵10％關稅，「加拿大、墨西哥」加至25％，加墨對此採取緊急報復性措施，目前美國對加國嘅關稅已宣布要暫緩。

不過中國方面，除咗依往例以言語譴責、向世貿組織（WTO）告狀之外，並無其他「實際」動作，《BBC》駐中記者認為，今次現象可能係中方希望避免激怒美方。

《BBC》記者 比克分析，中國目前正試圖提振自身低迷經濟，在此狀況下，中國唔願激怒美國，唔希望造成更大額外損失。比克表示，中國外交部、商務部已多次發聲，望同美國進行談判，代表 習近平傾向同 特郎普進一步協商。

另一方面，比克直指中國期望成為新世界秩序中心，因此當 特朗普對加、墨、歐盟祭出關稅威脅時，中國可能想要展示其冷靜態度，對外營造一個「可靠嘅貿易夥伴形象」。