中菲南海水域再現緊張局面，今天（5日）雙方海警船喺仁愛礁附近海域發生碰撞，中方海警發言指，菲方言而無信，蓄意碰瓷滋事，並表示責任全在菲方。而日前菲律賓總統小馬可斯表示，若國家南海主權遭忽視，將會發動反擊。

中國海警局新聞發言人甘羽批評菲方違背自身承諾，刻意派出2艘海警船、2艘運補船擅闖中國南沙群島仁愛礁鄰近海域，向其非法「坐灘」軍艦（按，馬德雷山號）運送物資。佢又指菲方蓄意碰瓷滋事，惡意炒作，持續破壞南海地區和平穩定，中國海警嚴陣以待，隨時堅決回擊任何侵權挑釁行徑，堅決維護國家領土主權和海洋權益。

甘羽指，中國海警嚴格依法管控予以規制，出於人道主義對菲運送必需生活物資嘅1艘船隻作出臨時性特殊安排，中方現場處置合理合法、專業規範。期間，菲海警4407號船無視中方一再警告，違反《國際海上避碰規則》，以不專業、危險方式，故意衝撞中方正常執法嘅海警21555艇，導致發生輕微刮蹭，責任完全喺菲方。

甘羽批評，菲方言而無信，蓄意碰瓷滋事，惡意煽宣炒作，持續破壞南海地區同和平穩定。中國海警始終嚴陣以待，隨時堅決回擊任何侵權挑釁行徑，堅決維護國家領土主權同海洋權益。

菲律賓海岸防衛隊表示，菲方船隻早上喺南海，支援軍方嘅輪換補給行動，期間受到中國海警船阻撓。發言人喺社交平台發放片段，指中方船隻作出鹵莽同非法嘅行動，令一艘菲方船隻同一艘中國海警船相撞，菲方船隻結構輕微受損。

近期中菲南海衝突不斷。菲律賓總統馬可斯喺尋日表示，如果菲國在南海嘅主權、主權權利同管轄權遭忽視，菲方將予以反擊。

小馬可斯昨日訪澳洲期間，喺智庫「羅伊國際政策研究院」（Lowy Institute for International Policy）論壇發表演說。佢強調，對美中兩大超級強權競爭嘅過度聚焦，將犧牲該地區其他國家嘅合法海洋利益。

小馬可斯指有人以地緣政治為藉口將挑釁行為合理化，又將受害者所採取嘅糾正措施，曲解美中競爭中嘅策略。佢指出，佢強調，如果受到質疑或忽視嘅時候會予以反擊，例如菲方嘅主權、主權權利同管轄權等。