「轟-20」係中國嘅新一代遠程戰略轟炸機，但一直都係「只聞樓梯響」，兩會期間解放軍空軍副司令員王偉撇清技術瓶頸嘅傳言，仲「劇透」話好快就會對外公佈喇。

自2016年開始，就有消息傳出中國正研發緊轟20，但直至今年兩會先有軍方證實。被問及點解咁多年嚟都冇公開，是否係研發過程出現咗技術瓶頸？王偉稱，「沒啥瓶頸，都能夠解決」，又認同轟20將大幅提升中國空軍實力，「一代裝備帶來一代戰鬥力」。

中國軍事專欄《藍星特快》喺昨（11日）解畫轟-20 研發時間點咩咁長。《藍星特快》指出，中國研發轟-20 嘅進度慢，主要係因為外部地緣條件好差。而家全世界只有三個國家有轟炸機，包括中國、美國同俄羅斯，而中國嘅外部地緣條件係其中最差嘅，所以對中國戰略轟炸機提出咗高性能需求。

《藍星特快》提到，美國嘅新一代隱形戰略轟炸機 B-21「突襲者」，同之前嘅 B-2、B-1B 同 B-52 轟炸機比較，美軍對B-21 嘅航程要求比較寬鬆，即不低於 4,600 公里。呢唔止係因為美國空軍有全球最大規模嘅加油機機隊，可以確保轟炸機完成跨洲際飛行，亦都因為美國喺世界各地都有海外空軍基地。B-21 完成跨洲際轟炸任務後，唔需要返本土，可以喺盟國境內嘅美軍基地接受補給同維護。

同俄羅斯比較，俄羅斯因缺乏似樣嘅海外基地。俄羅斯為咗唔想讓寶貴嘅戰略轟炸機同機組成員成為「一次性單程自殺武器」，只能盡可能多裝油。只有內油夠多，航程先會夠遠，從而確保飛機喺完成跨洲際轟炸任務後，仲可以自己返航，最少係飛到可以同己方加油機匯合嘅空域。所以不論係圖-95、圖-160，定係俄羅斯而家研發嘅 PAK-DA，呢啲戰略轟炸機都對飛行航程有好高嘅要求。

同俄羅斯一樣，中國亦都冇得用海外軍事基地供轟炸機起降。唔止咁，同埋地理位置更靠近高緯度，所以用航程最短嘅北極航線直抵美國本土上空嘅俄羅斯唔同，中國離北極航線較遠。同美國對立嘅中國，如果想讓轟炸機進入北極航線，然後威脅美國本土中部同埋東海岸，就需要經過俄羅斯領土。但俄羅斯係咪願意俾道，呢個仲有待觀察。

中國仲有其他航線可以達到戰略目標，例如飛行距離較遠亦都較危險嘅太平洋航線。從太平洋上空接近美國本土，飛行距離比「抄近路」嘅北極航線遠好多，仲需要轟炸機突破三條「島鏈」同埋美軍航母艦載機嘅攔截。所以中國需要一款飛行航程遠，同時具備強大突防能力嘅戰略轟炸機，對轟-20 嘅性能要求肯定係好高，需要投入好大嘅時間成本嚟進行研製。

雖然《藍星特快》幫當局詳細解畫，但網民就對咁樣嘅說法嗤之以鼻。有網民稱：「為何拖這麼久，因為其他關鍵技術還沒偷到」、「因為造機殼容易造內裝不行啊」、「其實嗎，就是板金跟塗裝做好了，就等偷到內裝的藍圖，或是看俄羅斯爸爸要不要賞你一顆發動機。」、「事實是已經做出了機殼！至於發動機嘛~那就要看別人的臉色！」等。

據美國軍方估計，轟20嘅導彈射程超過8500公里，搭載彈藥逾10噸，唔止可以攜帶常規彈藥同核武器，仲包括遠程巡航導彈、精確制導炸彈同高超音速導彈等，類似美國嘅B2轟炸機。而美國軍工公司蘭德公司嘅調查同情報分析指出，轟20嘅出現有機會威脅到第二島鏈內嘅美軍目標，甚至夏威夷同關島嘅美軍基地都唔再係安全之地。《I》