根據《法新社》4號報導，韓國情報機關今日指出，日前在俄羅斯 庫爾斯克（Kursk）前線，同俄軍並肩作戰嘅朝鮮士兵，似乎自1月中旬後就未再參與戰事。烏軍之前話：朝軍因傷亡慘重撤軍。

韓國國家情報院表示：自今年1月中旬以來，部署至俄羅斯庫爾斯克地區嘅朝鮮軍隊，似乎就未再參與戰鬥。聲明表示：造成上述情況嘅原因之一可能係傷亡慘重，具體細節仍需觀察。

烏克蘭軍方在1月31號表示，部署至 庫爾斯克前線嘅朝鮮士兵，在遭遇重大傷亡後，據信已「撤退」。多個盟邦情報機構亦指，朝軍在庫爾斯克西部部署萬幾名士兵支援俄軍，由於烏克蘭在舊年8月於庫爾斯克西部發動跨境攻勢。

部署朝軍原係為咗增援俄軍，協助驅逐烏軍，但近6個月過去，烏軍仍控制俄國大片領土。烏克蘭在先前表示，在庫爾斯克俘虜或擊斃咗多名朝兵。總統 澤倫斯基（Volodymyr Zelenskyy）亦曾公布審訊朝鮮戰俘嘅影片，並指戰俘係在庫爾斯克前線俘獲。