根據《自由亞洲電台》3號報導，習近平在元旦賀詞中嘅「保持經濟良好發展」希望落空，中國經濟繼續呈現頹敗之勢。「蘇富比拍賣行」（Sotheby’s）電子商務業務同傳出將自中國退場，而中國百強房企1月同比銷售額下降16.5%。金融專家認為，美國加稅將加劇中國經濟低迷。

在過去幾十年間，中國曾係英國「蘇富比拍賣行」嘅重要市場，中國嘅需求一直支撐著高端物品價錢。但據英國《金融時報》上週日2號引述三名知情人士消息指，近幾個月來，由於中國需求放緩，「蘇富比」已關閉其在中國嘅電子商務「即時購買」（Buy Now）業務。

三名消息人士並透露，擁有 280 年歷史嘅「蘇富比」同時解雇在中嘅部分員工，不過有部分關鍵成員將繼續擔任顧問職。「蘇富比」在於2022年在香港推出「即時購」平台，並在 2023年上半年將服務擴展至中國，作為慶祝在亞洲成立50周年嘅重要里程紀念。不過不足兩年時間，蘇富比就停止該業務，僅留下在香港繼續推行。

在成立之初，「蘇富比」曾承諾俾中國地區嘅收藏家「全天候、全年無休」立即可購到「奢侈品、精美藝術品」等。早在武肺疫情期間，包括「蘇富比、佳士得、菲利普斯」等多間主要拍行，就一直加大其線上銷售力度，無數拍行將該「一口價」平台，視為吸引啱接觸「藝術品、奢侈品」入門客嘅一種方式。

消息人士稱，「蘇富比」於2023年始，在其位於上海嘅中國總部樓下舉辦活動，部分原因係為咗幫助促進「一口價」銷售，但其中一名知情人士就表示，該公司自舊年5月以來，就未有再次在嗰度舉辦過任何銷售活動。

雖然「蘇富比」向《金融時報》表示，中國仍係藝術品、奢侈品嘅關鍵市場，其北京及上海辦事處仍開放並活躍。但因「蘇富比」舊年在全球拍賣銷售額同比下降24%，藝術行業消息人士稱，中國業務嘅撤退係整體撤退嘅一部分。

北京「八九藝術家」季風在受訪時指，「蘇富比」撤離證明中國經濟處於衰敗狀況，加上當前中國經濟嚴重通縮，將會帶來非常可怕嘅後果。而對於中國人，在經濟衰敗時期，根本冇可能再優先考慮購置「奢侈品、藝術品」等高貴品。

季風話：現時中國經濟通縮。在通脹時冇問題，大家無非就係水漲船高。不過通縮係經濟中最差嘅。位於北京 宋莊中國最大嘅原創藝術基地，當地藝術家經常話，經濟好轉了，最後一個進屋嘅就係藝術品，經濟差咗，第一個出屋嘅就係藝術品。

另據《彭博社》及中媒《澎湃新聞》上周五報道，中國百強房企在開年第一個月，其銷售額再現下降趨勢，同比下降16.5%。季風對此表示，以其所居嘅北京郊區樓價為例，早已跌破腰斬價。呢個就係中國經濟衰敗嘅另一指標，隨著美國關稅制裁，預計至少三至五年內，中國經濟都唔會有任何好轉。

中國金融學者 賀江兵同在受訪時認為，「蘇富比」削減在中國嘅業務，顯同經濟有關，而中國樓市一蹶不振，更加係中國經濟衰敗最顯性、直接嘅結果。賀生認為，中國持續二十年嘅高樓價時代一去不復返，整體原因包括中國經濟衰敗、人口萎縮，加上過度開發土地經濟、房產，致房屋存量過剩高達6億棟。

對於未來中國經濟走向，賀江兵認為，過去多年中國同西方民主國家為敵，導致今時今日被動走上「閉關鎖國」狀態，幾乎等同同西方世界脫鉤，因此經濟無法復甦。加上中國當局推出一系列措施，仍未能提振股市、樓市，降低現有抵押貸款嘅借貸成本、放鬆大城市購房限制、降低購房稅，乜大招都出曬來，但收效仍相當微小。