根據《自由亞洲電台》11號報導，在過去短短兩星期內，成員由8千幾激增到超過30萬嘅Facebook群組「全港店舖執笠結業消息關注組」，群組版主 革離（Neighbor，阿Nei）在周三11號晚突然在YouTube宣布：關注組「執笠」，並將改名「全港店舖消息關注組」並重開。阿Nei解釋：如果改名之後，我哋可以持續繼續傾落去，唔會令個社會覺得「就係因為有呢個group」，凡係「經濟差咗」就賴落你度。阿Nei覺得「改名」係一個好好嘅轉變。

阿Nei在片內表示，原打算在人數突破20萬時宣布關注組「執笠」，因為各種原因先會延遲公布。佢係當日正式宣布「執笠關注組」結業，但「執笠」不代表不可再次重開，「關注組」將以一個「較中性啲嘅名」，即改為「全港店舖消息關注組」在4月23號再次重開上線。

造成「執笠關注組」執笠又在改名**「返生」嘅原因，就係出自**日前在《信報》嘅一篇評論文章，該文作者指「有關群組」以「執笠」為主題，難免瀰漫「負能量」，甚至被視為「充斥戾氣」。甚至認為，隨著成員人數愈來愈多，版主「難以規管留言」，萬一「有勢力成功帶動『風向』」，便「有機會『煽惑』市民」對社會或港府產生不滿。

報導指出，「紀惠集團」行政總裁 湯文亮在早前都撰文表示，「關注組」嘅受眾目標並非居港之人，而係移英之港人。湯文亮認為，離港嘅港人更加鍾意聽到香港「壞消息」，而「關注組」就係講「壞消息」，而真相「好消息」會被刪除，佢甚至預言群組好快就會失去中立性而消失。

阿Nei對外坦白稱，當一個群組人數達到20至30萬人，都真係有個社會責任嘅！因此，佢參考咗部分「異議群組或人士」嘅意見，有人純粹係「唔鍾意個group名」，有人覺得「我哋唱衰香港」。佢因此有咗個危機意識，發現原來個group如果齋講「執笠」，個話題對社會「可能又真係唔係幾好喎」。

阿Nei認為，如果群組改名後可以繼續運作，亦算係好嘅轉變，佢表示，個group名已經受到太多人攻擊，但有30萬人入咗嚟，如果改個名之後，我哋又可以繼續傾落去，唔會令到個社會覺得「因為有呢個group，經濟差咗就賴落你度」咁，係一個好好嘅轉變。

阿Nei都注意到，當群組越嚟越多人，啲人傾嘅嘢好多時候都「off topic咗」，似乎都有少少「變質」。不過佢認為，大家充分討論，代表香港人開始關心，真正引發呢波浪潮嘅「原因」，大家都想知道究竟個「原因」係乜。

阿Nei表示，改名為「全港店舖消息關注組」後，將聚焦「香港實體經濟討論」，包括「開舖、結業」等鋪頭資訊。而版主同時會另闢一個「新群」，集中「結業執笠」等消息。有網民對版主決定「執笠」表示「劇本早已寫好」，對改名不感到意外，尤其在短時間內湧入超過30萬人加入，相信都承受唔少壓力。