根據《自由亞洲電台》粵語組9號跟進報道，台灣前總統 馬英九今次出訪中國前後長達十一日，但在前面九日嘅行程中，馬先生已經先後有五次因為「靈魂震動」而哽咽。有學者分析指，馬英九訪中行程「完美呼應習近平『中國夢』元素」，藉此表達對民進黨『兩岸政策』不滿嘅意味濃厚。

馬先生在本月初「清明節前夕」啓程前往中國訪問，雖然「大九學堂」將此行定位爲「和平之旅」，但馬先生在參訪期間嘅多次致辭中，多次哽咽、哭泣、流淚、皺眉，被網友戲稱「『大九』哭泣之旅」。尋日係『大九』哭泣之旅第九日，一班人在臺辦副主任 潘賢掌陪同下，參訪北京八達嶺長城。

網上有多部抖音影片即時放送，馬先生在城牆上同『大九』一眾學生齊唱抗日神曲「長城謠」，馬先生唱到「長城外面是故鄉、全國的同胞心一樣，新的長城萬里長」，又再次忍唔住係度自己哽咽起來。

報導盤點馬先生究竟喊咗幾次，原來今次已經係佢第5度在中華民國故土「哽咽」。第一哽發生在2號週二，馬先生赴「孫中山故居」參訪，在致詞時提到「兩岸人民同屬中華民族」，講到一半情緒無端端噴發。

第二哽發生在3號週三，馬先生赴「黃花崗七十二烈士墓」致意，在致詞時朗讀 林覺民嘅「與妻訣別書」，在當中一段「稱心快意，幾家能夠？吾充吾愛汝之心，助天下人愛其所愛，所以敢先汝而死，不顧汝也。」馬先生數次哽咽、中斷朗讀。

第三哽發生在4號週四，馬先生赴「祭皇帝大典」參加清明公祭軒轅黃帝典禮，除咗在致詞時呼籲台灣青年「不要忘本」，又話：要牢記中華文化及中華民族根源，及身為炎黃子孫嘅驕傲。

第四梗發生在8號週一，馬先生赴「盧溝橋」參訪，期間馬先生緊握一位自稱係「七七事變」親歷者嘅長者，神情嚴肅又淒涼咁企係橋上「聽長者講歷史」。

馬先生在致詞時表示，要「記取教訓、自立自強、振興中華」，又話：而家嘅年輕人，多半唔知道當年『我國』為二戰勝利及世界和平做出幾大貢獻。不過就唔知係咪「偷臭」中國國民黨當年「大意失荊州」。

在今次「『大九』哭之旅」中，一位自稱係台灣成大學生，同時係『大九』學生團團長嘅 劉秉睿，佢嘅受訪片段被台灣網民留意到。根據網上一段抖音訪問片段，訪問主題為「台灣學生去中國哭了！原因竟然係…」。

劉秉睿在受訪時「神情肅穆哀戚」咁表示：眼睇係一回事，用心體會又係另一回事，今次參訪係一次文化上嘅震撼，我哋去咗黃花崗72烈士墓，當時我嘅心情相當動容，見到馬董馬先生講話嘅時後，我嘅眼淚都要幾乎要流下，幾乎要淚崩咁滯。

不過網民就大肆嘲諷話：點解個眼淚冇流出來？有網民笑稱：講啲咁樣嘅話，佢自己可能都覺得自己好笑。有人懷疑問：劉秉睿究竟係咪台灣成功大學學生？亦有專業話劇演員表示：演技唔合格。

台灣「龍華科技大學」助教 賴榮偉在受訪時表示，馬先生嘅訪中行程，孫中山故居、七十二烈士墓、祭軒轅黃帝、盧溝橋、長城。度度地點都同習近平嘅『中國夢』相呼應。其中在黃帝陵對台灣年輕人嘅呼籲，更加顯示佢對台灣執政當局嘅不滿。

賴榮偉表示，習近平嘅『中國夢』中，充滿「民族主義、中華民族、中華文化、天朝思想源遠流長」等幻想。在政治上，對外佢要配合習近平嘅『中國夢』，「一氣呵成」做曬成套「兩岸一家親」大戲。對內佢都要針對民進黨，對民進黨多年來嘅『去中國化』表示態度。

至於外界稱馬先生「愛哭」，賴榮偉認為並非而家先出現，馬先生在台灣就已經好識「善用眼淚」。馬先生「哭出來俾大家睇」係對外表現感性一面嘅手段，利用「眼淚」來溫情召喚台灣人民。

賴榮偉表示，馬先生哭五次就係想製造一種效果，目的就係想要證明佢過去嘅「執政方針」先係正確嘅，佢亦想要證明俾國際社會及台灣老百姓睇，由中國國民黨執政嘅台灣，先可以帶來兩岸和平。