根據《自由亞洲電台》9號報導，中國國家主席 習近平當日在北京會見俄羅斯外長 拉夫羅夫時表示，中方支持俄羅斯人民行一條「符合本國國情」嘅發展道路，中方願同俄方密切雙邊溝通，並加強多邊戰略協作。俄羅斯外交部表示，中方期望俄國總統 普京在今年內，能夠出訪中國進行國事訪問。

報導指出，拉夫羅夫在9號星期二結束兩日嘅訪華行程，期間同中國國家主席 習近平及中國外長 王毅進行會談。俄羅斯外交部在會後表示，中方期望總統 普京在今年訪華。並指出，外長今次出訪，係總統 普京將對中國進行國事訪問嘅「全面籌備工作階段」。

外媒有報道指出，普京最快可能在下個月訪問中國。克里姆林宮發言人 佩斯科夫對此回應表示，普京同習近平嘅會面目前仍在計劃當中，俄方認為，雙方接觸會面係適當而必要嘅，但而家確定具體日期為時尚早。

中方發布訊息指，習近平在會見拉夫羅夫時表示，中方支持俄羅斯人民走符合本國國情嘅發展道路，支持俄方打擊恐怖主義、維護社會安全穩定。中方高度重視中俄關係發展，願同俄方以「平等、開放、透明、包容」嘅精神，團結全球南方國家，推動全球治理體系變革，有力引領構建人類命運共同體。

中方並引述 拉夫羅夫嘅發言指，俄方願同中方加強雙邊及多邊協作，同其他全球南方國家加強團結合作，為推動形成更加公平公正嘅國際秩序作出貢獻。