根據台灣《中央社》25號報導，「胡潤研究院」在當日公布「2024胡潤全球富豪榜」，中國飲品大廠「農夫山泉」嘅董事長 鍾睒睒以人民幣4500億元，連續4年成為中國首富，但財富已經較舊年減9%。全球身家達到10億美元嘅企業家中，中國總共有814人，較上年少咗155人。

在此之前，鍾睒睒因另一飲料品牌「娃哈哈」創辦人 宗慶後去世，之後「農夫山泉」陷入「媚日」輿論風暴。鍾睒睒個人在今年「胡潤全球富豪榜」排名第21位，較舊年下降6位，但仍連續第4年成為中國首富。

《澎湃新聞》報導指出，鐘睒睒旗下嘅香港上市公司「農夫山泉」，舊年上半年業績突出，銷售收入年增14%、利潤年增16%。其旗下另一間A股上市公司「萬泰生物」過去一年業績有所下降，股價年跌近30%。

而44歲嘅「拼多多」創辦人 黃崢，以3850億財富首次排名中國富豪第二位，財富比舊年增長71%，係中國財富增長最多嘅企業家。佢在全球富豪排名第24位，上升15位。

根據「拼多多」2023年第3季財報顯示，總收入年增90%，遠超市場預期。另外，海外業務「Temu」及「快團團」業務發展勢頭良好。2023年11月「拼多多」嘅市值曾一度超過電商巨頭「阿里巴巴」。

53歲嘅「騰訊」主席 馬化騰，以2500億財富位列在中國富豪第三，佢嘅財富比2023年下降10%，全球排名在第36位，下降5位。「騰訊」在2023年第3季營收1500幾億，年增10%，淨利潤360幾億，下降9%。其中，國際市場遊戲收入130多億元，增長14%。

中國富豪榜第四至六位，依次係財富2450億嘅「字節跳動」張一鳴、財富2100億嘅「網易」丁磊。家電大廠「美的」何享健家族、香港首富李嘉誠及李澤鉅父子就同列第六，財富都係2000億，其中 李嘉誠父子嘅財富下降咗10%。

報導指出，人工智慧在舊年開始大爆發，今年財富增長幅度最大嘅中國企業家，包括遊戲公司「米哈遊」創辦人 蔡浩宇，財富增長210%至670億，半導體公司「寒武紀」陳天石，財富增長120%至160億。

相比人工智慧，中國嘅新能源及房地產企業家，在過去一年財富大縮水，「萬達」王健林家族財富縮水72%，至300億，旗下「萬達商管」大部分股份已被凍結。「碧桂園」楊惠妍家族財富縮水60%，至440億。

而電商巨頭「京東」嘅 劉強東、章澤天夫婦，財富由500億略減至495億。報導指出，全球增加咗167位身家10億美元嘅企業家，其中中國企業家人數最多，但依然減少咗155人，總數係814人。