根據台灣《中央社》26號報導，美商蘋果公司iPhone手機，多年來在中國「高端手機」市場盤據一方，近年更加稱霸中國市場。中美科技競爭遠遠睇唔到盡頭，而中國更加傾全國之力，誓言要全盤自主研發超越美帝。根據近期消息，蘋果iPhone在中國嘅銷量，按年大減24%。有學者直言，蘋果在中國嘅黃金時代已經結束。

美國《紐約時報》在當日報導指，長期以來，蘋果iPhone手機在中國就係一種地位嘅象徵，但有越來越多嘅證據表明，在中國當局大吹「愛國」之風，話明「愛國」就要購買『自家製』產品，在咁日積月累嘅淺移默化之下，iPhone正在失去對中國人嘅吸引力。

根據中國市場資料，在過去多年以來，每年前六個星期都係消費者購買新手機嘅旺季，但根據手機市場分析商Counterpoint Research嘅數據，今年嘅前六個星期，在中國市場嘅iPhone銷量，同舊年同期相比大減24%。同時，蘋果在中國嘅主要對手華為，其手機銷量狂增64%。

報導指出，近十年以來，中國市場一直僅次於美國，係蘋果最重要嘅iPhone消費主力市場，占咗蘋果整體銷售額20%。有分析認為，一系列因素削弱咗蘋果在中國市場嘅地位，其中不單止消費者減緩支出，由中國政府帶頭，要求人民避免使用美國公司製造嘅設備，其造成嘅壓力正越來越大，「名正言順」為華為手機嘅復興之路「剷除障礙」。

韋德布希證券（Wedbush）嘅蘋果公司分析師 艾夫斯表示，中國人總共擁有2.15億支iPhone，但其中大約有1.25億支嘅擁有者，在過去3年之中並冇升級手機將舊機做設備更新。

市場研調公司TechInsights嘅高級總監 隋倩在受訪時直言，蘋果在中國嘅「黃金時代」已經結束。最主要嘅原因就係「中美貿易科技戰」，導致兩國緊張關係不斷加劇。佢認為，如果地緣政治嘅壓力冇出現明顯緩解，蘋果將難保在中國市場嘅地位。隋倩表示：不只有消費者嘅問題。兩個超級大國之間嘅相互競爭，係大局改變嘅根本原因。

對部分中國人來講，買咩品牌嘅手機，已經變成一種政治聲明。甚至在中國網上都出現咗有關嘅爭論。舊年就有中國政府部門員工指，上級出咗通知，要求員工在工作期間不要使用iPhone。網上就出現「使用iPhone是否對中國科企不尊重」等一連串荒謬討論。

不過，有中國消費者就直言，相較於華為手機嘅創新，蘋果手機創新不足「枯燥乏味」。並宣稱華為「在美國政府限制之下」，開發出自己嘅無線通訊晶片同操作系統，最終研發出Mate 60 Pro嘅技術。又宣稱華為嘅操作系統更有吸引力，在中國科企大力協助開發軟件之下，中國人終於都有自己嘅平台，能夠隔絕中國境外嘅平台，為國家安全再加分。

在當局鼓吹愛國氛圍之下，華為首席財務長 孟晚舟在2018年被加拿大逮捕嘅事件，儼然成為一眾愛國人士嘅「標記性」投射對象。一名38歲嘅受訪者 遲淼淼（淼讀音：秒）表示，自己在近期買咗一部華為Mate 60 Pro當作第2部手機。佢宣稱：「華為係我們中國人自己嘅品牌，由於「孟晚舟被捕」嘅政治事件，中國人應該團結起來」。