根據《自由亞洲電台》20號報導，調查中國強制摘取器官嘅獨立法庭在當日表示，自從美國裁定中國存在嚴重侵犯人權嘅犯罪行徑之後，中國並無做出明確作為，防止相關事件再次發生，甚至畏懼國際施壓繼續實施暴行，引起美國立法者關切。在今個星期三，美國眾議員敦促參議院儘快通過一項立法，以制止中國嘅相關暴行。

報導指出，「終止中國濫用器官移植國際聯盟」在2014年設立人民調查庭，針對「中國強制摘取良心犯器官」開展獨立調查。早在2019年，該獨立法庭已經作出裁決，認定中國政府「強摘器官」行徑長期存在並罪證確鑿，中國確實犯下反人類罪行。但中國當局無視國際施壓，更變本加厲。

美國國會「中國委員會」（CECC）在20號星期三，就「中國強制摘取器官」等侵犯人權行徑舉行聽證會。委員會主席、共和黨籍眾議員克里斯史密斯（Chris Smith）在開場中直言，中國「工業化、大規模」摘取器官嘅暴行，其邪惡程度堪比「希特勒、斯大林」等獨裁者所犯嘅恐怖暴行。

史密斯宣佈，將會發起一項倡議，尋求有關「中國強摘器官」嘅第一手目擊證人，並希望證人挺身而出，講述真實經歷或見證嘅情況。相關人士將會被匿名，以保護佢哋嘅身份。史密斯在聽證會上向中國提出請求，要求中國大使館「立即批准」美方率團前往新疆嘅申請，並希望中國當局「做出反應」，表現出「開放態度」俾全世界睇，因爲當局聲稱「中國冇嘢好隱瞞」。

「共產主義受害者紀念基金會」中國問題研究員 伊森古特曼（Ethan Gutmann）向委員會表示，「法輪功學員」曾經係中國強制器官摘取嘅首要受害群體，而家在新疆「再教育營」體系中，都存在相同嘅侵犯人權行徑。

古特曼指出，根據佢所見嘅大量證據，表明在新疆再教育營中，中國打著「健康檢查」嘅旗號，對23至35歲健康狀況良好嘅維族人，進行包括血型、DNA嘅檢測，甚至進一步標記或配對。另有跡象指出，通常35歲以下嘅再教育學員會更早離開，但之後去向不明。

古特曼話，《制止強迫器官摘取法案》嘅通過，可以促進國際器官移植界「正視相關問題」，並認為係一件尋求正義嘅行動。因為過去呢啲機構認為，針對中國「強摘器官」嘅研究或調查，具有煽動性甚至係「破壞交易」，造成國際社會長期對維族人權嘅漠視。

中國侵犯人權嘅行徑受全球關注，美國國會兩黨議員聯合推出《制止強迫器官摘取法案》（Stop Forced Organ Harvesting Act），在相關議題中，被視為史上最強而有力嘅立法。法案將授權國務卿，禁止向參與其中嘅人士發出簽證或護照，並授權向參與嘅個人或實體實施制裁。另外，國務院每年都要針對「強摘器官」嘅情況做出報告。

麻省理工學院「懷特海德生物醫學研究所」人類幹細胞實驗室主任 瑪雅米塔利波娃（Maya Mitalipova）警告，中國當局正在利用全球公司獲取DNA測序數據，並完善其世界上最大嘅DNA數據庫，而美國賽默飛世爾公司嘅DNA技術，都有為中共服務嘅紀錄。

目前《制止強迫器官摘取法案》已經在眾議院獲得通過，史密斯主席敦促參議院「進一步採取行動」。佢認為，呢場同共產中國嘅鬥爭將會持續落去，但美國將會在爭取透明度及正義嘅過程中勝出，並結束中共嚴重侵犯人權嘅行爲。佢表示，如果而家不採取行動，未來將會有更多人因此喪生。