根據《自由亞洲電台》19號報導，近日中國四川嘅「甘孜藏族自治州」雅江縣發生森林大火，火勢至今已延燒四日。有海外藏人質疑當局，救援行動速度緩慢。有中媒報道指出，四川甘孜州雅江縣在3月15號晚傳出山火。官媒《央視》在17號發佈消息指，有11個村受火情影響，影響837戶人家，3396人受到影響，相關人員已經安全轉移暫無傷亡。

根據網上有關雅江大火嘅影片，森林中冒出熊熊烈焰，天空佈滿濃煙。有網民話：係咪世界末日將至？在400幾公里外嘅成都，天都係黃嘅。畫面中可見，大火吞噬多棟建築，並伴隨有人被濃煙燻到嘅咳聲。有網民發佈消息指，在16號晏晝，318國道上已經刮起8級大風，飛火照紅整個雅江縣城，成條高速路煙霧瀰漫，駕駛司機根本睇唔到前方嘅車。

報導指出，有畫面顯示，火勢迅速延燒，其中一間藏傳佛教寺院就來被火海吞噬，畫面可見有動物四處竄逃，寺廟僧人面對寺院誦經祈福。附近藏人自動組成滅火隊，在陡峭山坡上排成人鏈，一個接一個將水盆遞上山去滅火，其中有唔少身著「雅江檢察制服」嘅人員，在現場協助藏人居民遞水。

西藏流亡政府官員、西藏政策研究中心主任 達瓦才仁，在19號受訪時表示，雅江藏人擔心位於當地嘅二座藏傳佛教寺廟，恐怕會被大火波及並燒燬，其中一座係 丹增德勒仁波切生前所創辦。而所有藏區嘅寺院，都好當地藏人合力興建，寺院係傳承藏傳佛教嘅聖地，都係信徒嘅精神寄託之處。

官媒《央視》報道指，截至1號1點半，火場突然刮起大風，風向不定，火頭向多個方向蔓延，形成3個主要火場。當地組織地方專業撲火隊549人、8架直升機參與撲救。而國家消防救援隊亦派出1038人到達雅江縣火場，另有257人在康定市待命。

不過 達瓦才仁質疑官方救火隊，太遲先出現。大火在15號已經開始燒，當地藏人並冇專業救火器材，只能利用「拔除雜草、挖截火坑」等傳統工法，截斷大火繼續向「寺廟、民居」度蔓延。濃煙迅速向周圍擴散，當地媒體在16號先開始報導，而官方救火隊至17號先出現在火場。

海外流亡藏人 薩格爾扎西在19號受訪時表示，官方動作太慢，根據官方網站顯示，1號火線方向在18號已經撲滅，但還有2號、3號火線仲未完全撲滅。當地未有最新跟進報導傳出，亦冇相關人員對災情作最新嘅通報。

在習主席「我大中國獨好」嘅思維之下，微博都出現唔少「正能量」宣傳片。有影片以《四川雅江救火一線》為題，播放消防員在溪中打水，並附上文字話：大火撲面而來，救援人員打溼全身上山救火。更有影片顯示，附近居民送上自家「土雞蛋」，為救援人員打氣並表示感謝。

中國官方在大火蔓延當下，仍然不遺餘力拍片做宣傳，為撲面而來嘅民憤擦脂抹粉，引發外界對官方「救災不力」嘅批評。達瓦才仁表示，中國官員遇到事就兩種處理，一來就隱瞞，或者就當作無事發生。今次大火就係因為燒到城內都見到，瞞不住先至爆發出來。

而中共官方仍然用佢哋擅長嘅敘事手法，除咗將喪事當喜事辦，連災難都要當英雄事蹟咁辦。藏人感謝外地救火隊協助救火，但當地係松茸嘅生長基地，大火導致損失無法估計。流亡藏人 薩格爾扎西表示，當地藏人嘅經濟來源主要係冬蟲夏草、蘑菇，靠摘取野外農作嘅藏人，往後嘅生活生計會非常困難。