近幾年一直被建制派追擊嘅中大校長段崇智，喺尋日提出請辭。中大今日宣布，佢會喺明年1月離任。

段崇智表示，決定請辭喺同修訂後嘅大學條例及新嘅管治架構有關，佢認為而家係畀大學物色新校長嘅適合時機。段崇智喺2022年獲中大續約3年，原定於2026年年底結束，而家提早近兩年卸任。

中大表示對段崇智過去六年來嘅付出表示感謝，佢喺任內創立全港首個「在學•在職計劃」、監督中文大學（深圳)醫學院及音樂學院成立、帶領中大在世界大學排名中創新高及取得卓越嘅研究表現、喺內地及國際合作上取得重大進展、並且推動大學創新創業及可持續發展。

段崇智表示，他自2018年1月1日起擔任中大校長，與大學同仁一同為大學發展作出貢獻，並感謝在過去六年中大社群嘅支持。佢承諾在未來12個月會確保大學的管理及運作得以暢順延續及過渡。

去年11月1日，立法會三讀通過《2023年香港中文大學(修訂)條例草案》，落實中大校董會改組。改組後嘅校董會，喺去年12月13日宣布即時解僱中大副校長（行政）及秘書長吳樹培。段崇智於去年12月18日創科實驗室開幕禮後，未再公開露面。

段崇智喺「反送中」運動期間，曾發表公開信，指校園被蒙面示威者占領，要求外來人士離開。此外，佢曾發公開信表示，有學生喺示威中遭警方不當對待，指部分警務人員涉嫌不當使用暴力或違反人權，經查證後須予以譴責，但遭警方強烈反駁。

泰晤士高等教育於2019年將段崇智列為年度人物之一，讚揚佢喺「反送中」期間為學生發聲，並指出在持續嘅示威中，無任何一個大學校長好似段崇智咁堅定地為校園和學生站出來。