日本石川縣能登半島於元旦發生7.6級地震，導致至少57人喪生，引起國際社會廣泛關注，許多國家和組織表示願意提供救援。不過喺中國拍手叫好嘅人其實唔少，其中作海南廣播電視台主持人肖程皓，就拍片幸災樂禍話「報應來了」，點知畀電視台停職，個報應都嚟得好快。

根據星島日報報導，肖程皓畢業於復旦大學上海視覺藝術學院，是海南廣播電視總台新聞中心《海南新聞聯播》主播，一級播音員。現擔任《海南新聞聯播》主播。

肖程皓喺佢嘅抖音帳號發布咗一條影片標題叫《報應來了？日本突發7.4級地震！》，內容話「都說新年新氣象，但是在開年第一天，就發生如此之大的天災，恐怕2024年全年整個日本都會籠罩在一層陰鬱的烏雲之下。看來有些事還是要少做。」

嗰條影片獲得了20.7萬個點贊和2.2萬條評論，有人讚好，但亦有人指出：：「沒人性」「遭遇自然災害就是遭報應？那中國遭了多少報應？」

海南廣播電視總台紀檢監察室工作人員處之後表示，已要求佢刪片，並指佢嘅行為錯誤。海南廣播電視總台今日也發佈聲明，表示針對肖程皓喺佢嘅自媒體帳號上發佈不當言論一事，電視台正組織核查，喺呢個期間，暫停佢嘅工作。

不過對於電視台嘅處置，有好多小粉紅好不滿，佢哋表示「我先是中國人然後才是主持」「應該升職加薪」「其實他說了中國人想說的真心話」「必須恢復肖先生工作，做一個有氣節的中國人！」等。

環球時報前主編胡錫進於微博表示，肖程皓作為官方電視台主持人，係公眾人物，喺日本發生強震後，喺社交平台打出「報應來了？」標題，同化佢嘅身份明顯不符，必然對海南廣播電視總台的形象造成損害，他受到處罰係應該嘅。佢又話一般人表達觀點、釋放情緒可以隨意一啲，但係有公職身分嘅人人、特別係公眾人物，就唔可以咁做。

但係亦有網民翻出，今年8月25日，日本本州東岸遠海發生5.8級地震時，胡錫進表示，「這是罵一句日本『遭天譴』，不過份」。所以有網民亦認為應該要處理一下胡錫進：「看你怎麼叼」「支持老胡帶頭處理這位名叫胡錫進的失德媒體人」。