中國新聞自由排名世界倒數第二，僅優於北韓。《自由亞洲電台》報道，「外國駐華記者協會」（FCCC）喺周一（8號）發佈2023年中國媒體環境報告，佢哋以〈摘下了口罩障礙仍然存在〉（Masks off, barriers remain）為題，形容緊外媒嘅困境，直指中國當局以科技方式監控、干擾採訪，甚至用無人機監視記者行蹤。

報告嘅調查期間係今年1至2月，協會157名會員中有101人回答。報告指出，大多數派駐中國嘅外國記者認為，有理由相信當局「可能」或「肯定有」侵入佢哋嘅微信帳號及手機，其中有81%認為微信被入侵，而入侵手機嘅比例亦高達72%，55%嘅人認為佢哋嘅寓所或辦公室被放置咗竊聽器。

報告指出，中國喺監視同干預外媒方面，科技嘅作用愈嚟愈重要，甚至有外媒記者向FCCC透露，喺探訪現場遭到無人機監視。

有81%嘅受訪外媒認為，去年中國嘅報道環境同前年相比有所改善，不過當局對外媒獨立報道嘅壓制手法喺新冠疫情之前就已經存在。所以喺中國進行採訪，如果冇遇到問題，其實係特例。

報告引述《經濟學人》雜誌北京分社社長任大偉（David Rennie），佢話疫情期間，喺地方進行報道嘅情況「非常糟糕」，而家更加難以預測何時會被跟蹤，而且唔容易知道採訪行程會被地方政治宣傳部門（即黨委宣傳部）縮短。

多達99%嘅外媒記者認為，中國嘅報道條件「很少」或「從未」達到國際標準；81%曾遭遇「干預、騷擾與暴力」；54%被中國警察或官員阻撓過至少1次，呢個比例略低於2022年嘅56%，但有45%曾被身分不明人士阻撓，比例高於2022年嘅36%。

同時，作為外媒員工嘅中國籍記者亦持續受到當局施壓，有49%嘅外媒指中國籍員工曾被施壓、騷擾或恐嚇，呢個比例高於2022年嘅45%。

報告又指，中國官方嘅壓力令到學術界、智庫人士與分析師面對外媒不是拒絕採訪，就係要求匿名或根本唔回應，其中超過8成外媒記者遇過受訪者以「未獲准與外媒交談」或「需要事前許可」為由拒訪。《I》