李嘉誠又跑了！《明報》今（8日）報道，喺海外擁有眾多業務嘅長江和記，近年黎不斷將佢哋喺海外註冊嘅公司，喺香港登記成為「非香港公司」，而家已達80間。會計界人士分析，此舉絕對有特別原因。

報道指，有一半以上係喺去年12月至今年1月期間註冊嘅，而呢啲公司涉及嘅業務包括零售、港口、投資、醫藥同埋電訊等。會計界人士透露，大型跨國公司將佢哋喺香港登記成為「非香港公司」，好多時同將來嘅稅務安排、企業重組或者其他企業行動有關，保持離岸公司身份，就可以喺營運上保持彈性。

根據公司註冊處嘅記錄，長和自從2022年尾開始，就陸續將佢哋嘅海外註冊公司或相關公司，喺香港登記成為「非香港公司」，到2月8號止，已經有80間公司完成咗呢個程序。長和喺去年12月同今年1月註冊成為「非香港公司」嘅子公司最多，分別有29間同17間。雖然呢啲「非香港公司」涉及嘅行業好多元化，但主要集中喺零售同港口相關領域，分別佔咗29間同27間。根據香港《公司條例》第776條，如果海外公司喺香港有辦事處，就需要一個月內申請登記成為「非香港公司」。

天智合規顧問董事鍾婉怡表示：「企業將佢哋嘅海外註冊公司Ｍ喺香港註冊成為非香港公司，好多時都係同稅務安排、未來買賣安排或者其他企業行動有關。」如果海外公司喺香港有營運，而且要面對外國嘅高稅率，註冊成「非香港公司」可以有好處。佢哋亦不時見到有海外公司在港在岸化運作，不排除有便於國企日後收購或買賣。

BDO（立信德豪）審計部陳錦榮董事總經理指出，喺香港註冊同公司納稅係兩件事。根據當局規定，海外公司如果喺香港有辦事處，就需要登記成為非香港公司，同時都需要報稅。香港稅務局會根據公司喺香港嘅營運情況來徵稅。香港公司同非香港公司喺轉換股東時嘅稅務有所不同，香港公司需要繳納資本稅，而非香港嘅離岸公司唔需要。好多公司喺上市之前，都會將附屬公司註冊成離岸公司，以方便未來嘅重組。

陳錦榮亦提到，將離岸公司註冊成非香港公司，可能同政治因素有關。例如，喺投資美國或者營運供應鏈嘅時候，因為香港被視為中國嘅一部分，會影響到將來嘅出入口關稅，企業可能會考慮使用非香港公司運作。至於邊啲行業或者公司需要登記較多非香港公司「幫助營運」，就視乎佢哋嘅全球策略、稅務安排、收購、長遠發展同政治考量。《I》