根據香港《商台新聞》15號報導，《央視》旗下公眾號「玉淵潭天」 發文指，美國 特朗普政府實施所謂「對等關稅」係搬起石砸自己腳，惹出真正大麻煩。中方反制意志堅定、措施強硬，無疑超出美方預料，打亂美方陣腳。

玉淵潭天又指，中方立場明確一貫。打，奉陪到底；談，大門也始終敞開。但對話必須在相互尊重嘅基礎上，以平等方式進行。如果美方真想對話，中方需睇見實實在在嘅行動。要談，就要攞出誠意來。

帖文指，中方早已看透美方關稅措施嘅荒謬及脅迫訛詐本質。中國堅持推進高水平開放，更有推動實現世界共同發展嘅誠意及行動，朋友只會越來越多，孤立中國係打錯算盤。美國政府只想用關稅訛詐打壓中國及世界，只會自己將自己孤立起來。