根據《法廣》21號報導，民主黨主席 羅健熙被控2019年在理工大學外參與非法集結，早前被裁定罪名不成立，經港府律政司上訴後，上訴庭今21號早再次駁回政府上訴，再次確定 羅健熙無罪。羅健熙在庭外表示，現時心情可以略為放鬆，若律政司再次上訴至最高終審法院，唯有再以平常心面對。

不過，同案在案發時替台灣《公共電視台》採訪嘅記者 鄧卓儒，因被捕時身懷「鐳射筆、索帶」，終被裁定在公眾地管有攻擊性武器罪名成立，其上訴亦同被駁回，維持有罪裁決。據悉，鄧已服畢15個月刑期，但仍堅持上訴，佢今日未有到庭領取判詞。

2019年11月18號，理工大學內聚集眾多示威者，後同香港警方發生衝突，警方圍封理大，並有網民發起赴理大附近尖沙咀，「營救」大學內嘅抗爭者，多人隨後被捕，當中包括 羅健熙，當時佢身上冇任何示威裝備。

根據三名上訴庭法官作出嘅判辭，法官指，原審法庭認為 羅健熙作為政治人物，冇可能唔知單係留在現場，亦會令示威者覺得係支持鼓勵，但不能肯定係唯一可能嘅解讀。

上訴庭認為，原審法官對個案的分析雖較迂迴，但「絕非有悖常理」；況 羅健熙作為政治人物，有利用群眾觀感並博取政治本錢嘅可能，但其並冇一般示威裝備或同警察正面對抗亦係事實，故駁回律政司上訴。

正為民主黨解散作準備嘅 羅健熙，聽取結果後在法院外表示，事件暫時了結，心情略為放鬆，因在為時數年嘅法律程序中，確實有啲辛苦，亦難以規畫日後生活工作，但勝訴亦不感到特別開心。佢強調，民主黨工作仍持續進行，佢亦會如常生活。