根據《自由亞洲電台》25號報導，中國「銀河證券」原首席經濟學專家 左曉蕾在近日公開呼籲年輕人，在買樓問題上「不要焦慮」，應「老實租房、不要啃老」。佢呢番說話在網上被大肆傳播，並引發唔少輿論批評。

左曉蕾在「中新經緯」之相關視頻節目中表示：年輕人要自食其力，亦要量力而行，唔好總是係度「啃老」，更唔好總是要抱著父母生活。要在「冇咁嘅能力嘅時候」，老老實實出去租樓，更要用更多精力去努力、去奮鬥、去打拼未來。我覺得「咁樣更好」。

根據左曉蕾在節目中嘅發言，佢話：年輕人不應加重父母負擔！特別係藉此來謀取自己未來嘅幸福生活。並認為：咁樣嘅年輕一代冇太大希望，應有擔當！自己對自己負責！

左曉蕾呢番說話，迅速引來輿論訕笑，在中國社群網站微博上，相關話題直衝熱搜榜上。包括「專家建議年輕人買樓不要總啃老」以及「專家稱年輕人要在冇能力時就老實租樓」，幾篇文在網上累積數以百萬嘅閱讀量，對於 左曉蕾咁奇耙嘅言論，罵聲一片。

網上網友紛紛留下自己嘅意見及睇法，負面評價一大片。有人表示：大家都唔使買樓啦，房地產全部執笠！有人認為：國家俾專家嘅養老金太多啦，建議斬個三分一，呢啲專家撈咗一世人，肯定存款多多，留下少少活路俾年輕人啦！有人直言不諱諷刺：直講國家冇希望就得啦！

位於廣州嘅潘先生在受訪時表示，專家呢番話，完全不了解現時年輕人嘅真實生存狀態及買房動機。按自己對西方文化嘅瞭解，年輕人搬出去住係好正常嘅，可以先學識點樣獨立，同父母嘅關係亦會更加健康。但在中國，好難有咁樣嘅土壤。

潘先生表示，據佢瞭解，一般真正可以在廣州、深圳等一線大城買樓供樓嘅年輕人，往往都係本地居民而且家中有樓。年輕，人工資低，跟本不足以供其買樓，因此最普遍嘅方式就係「賣舊買新」，父母資助並結合青年收入換套新樓，俾全家更好嘅生活。佢認為專家嘅講法，係要刺激韭菜賣命為國家打工。

根據人工智能「微博智搜」所顯示嘅大眾情緒數據，對於「專家稱年輕人冇能力時就應老實租樓」等話題，有36%網友感到「悲傷」、19%感到「生氣」、17%感到「失望」。另外，感到「平和、疑惑、感動」嘅，分別係「15%、6%、4%」，總體「負面情緒」佔咗多數。

有位在華北小城生活多年嘅梁先生同樣認爲，左曉蕾嘅話，並冇反映當代年輕人嘅實際生活狀態。在佢嘅家鄉，樓價雖低，但由於民眾嘅工資低、工作機會少，好多年輕人都還是選擇去北京，甚至希望在大城買樓安家。但佢認為：在北京做嘢，就需要在北京安家、置業、買樓，但如果非「國企、央企」之員工，都好難買得起。並敬告呢位專家，應多關注年輕人嘅生存狀態。