根據台灣《中央社》6號報導，香港《明報》在今日發表社評，針對近期有中國報導指，大學生在學校宿舍嘅舉措「被官方高度控制」，批中國教育局將學生「當小學生管理」，做法不近人情，似乎「管太多」。

社評表示，最近有中國大學禁止學生在勞動節假期「自行組團外遊」，今次規定之原意應為「加強管理」，要求組團出遊之單位「做好各種安全措施」，並以此作為批准條件，校方宣稱目的係為咗「學生安全」。不過有學生指，同學之間自發組團並冇組織可以為其擔保安全，因此遭校方禁止組團外遊。

社論形容，咁樣嘅管理辦法「確實粗暴」，令人懷疑其背後嘅邏輯，可能係出於「學校唔想擔責」而先發制人「管起來」。萬一有學生自行組團出遊，並且在行程中發生問題或意外，學校可以撇清責任，利用有關管裡準則，將「責任不在我方」嘅甩鍋精神發揮到極致。

另外，近排中國大學又出現另一更具爭議嘅禁令，有學校禁止學生在宿舍床鋪掛帳簾，而大學解釋嘅理由更加好笑，校方宣稱「希望學生唔好『自閉』」，應摘除帳簾同室友多溝通、多交流。另有校方指，係基於學生「安全考量」，因為帳簾屬於易燃物品，並指出在2019年就曾經有女宿舍使用「離子夾」而引起火災之案例。

根據多間中媒報導，包括「西北民族大學、甘肅民族師範學院、河南南陽師範學院」都為此訂定新「宿舍管理辦法」，禁止學生在宿舍掛門簾、床簾。亦有學校以「健康考量」稱，為避免有同學因病死亡，多日後先被發現，要求學生要多多關照同宿之同學，因此要求摘除帳簾。

社評認為，相關「新規定」屬於校方善意嘅願望，並認為校方應積極組織「受年輕人歡迎」嘅活動去鼓勵溝通，而非使用粗暴嘅手段「禁止掛帳簾」。社評指出，中國對學生之管理，眾多唔合理就係起源於「疫情期間」，一切從嚴嘅管理措施被合理化，不過當局並冇設計「日落條款」，為管理鬆綁。

相關管力措施被沿用至今，甚至遭各級單位「無限擴權」。以致大學應有嘅「寬鬆及靈活嘅學習生活環境」，即使在疫情結束知後都冇返到疫情前，反而變本加厲，被當局用作「管制工具」，將任何會引發「不穩」之事態「管起來」。

社評表示，大學係一個官僚機構之縮影，校方一旦運用過權力，並發現其好處，就會愛不釋手，再加上缺乏外部監督，即使措施唔合理，亦可以「肆無忌憚」任意使用。

社評認為，古今中外，大學生「自由散漫」之行為向來如此，無論由家長嘅角度或校方管理層面來睇，「離經叛道」就係大學之本，若校方認為有學生之行為不能接受，管理層都應慎思究竟應「理性疏導」還是「強勢干預」，同時都應考慮大學生「心理承受」嘅能力。