根據《法廣》15號報導，美國《華爾街日報》在日前引述知情人士消息指，中國工信部要求其國內「大型電信營運商」，在2027年之前逐步淘汰外國芯片。報導指出，今次整改係繼「上市公司」及「政府機構」之後，中國政府再次採取「國安」攻勢，目標係禁止外國組件進入中國資訊基礎設施。

報導指出，中國監管機構在4月15號向電信運營商提出明確要求，話明要逐步淘汰對美國芯片嘅依賴。有關決策不只針對中國電信，而係覆蓋包括「移動、聯通、電信、網通、鐵通、衛通」等所有電信運營商，範圍廣泛且深遠。

報導認為，中國政府此舉係為咗彰顯中國「堅持科技自立、推動技術創新、保護國家信息安全」等堅定決心。透過推動相關政策，中國正努力在全球科技舞台上，進一步實現更大嘅自立及突破。

中國工業及信息化部（MIIT）在今年初向主要電信運營商發出指示，並設立時間，目標在2027年前將「美國芯片」由電信基礎設施中剔除，在截止日之前，要逐步淘汰網絡系統所使用之外國處理器。

報導認為，相關舉措可能對美國芯片巨頭「英特爾」造成衝擊。並提到，國有移動運營商已接到指示，需要評估其網絡中「非中國半導體」嘅使用情況，並制定相應替換計畫。

不過報導指出，過去中國政府都曾經嘗試要減少對外國半導體嘅依賴，但由於質量齊平嘅國產芯片缺乏，替換計畫受到阻礙。報導認為，由於中國國產芯片質量及穩定性提升，為替換計畫增加可行性。

多個歐洲國家出於對「國家安全」之考慮，在以美國為首嘅「芯片同盟」嘅帶領之下，包括歐美等西方國家都陸續制定政策，要全面審視並排除中國製電信設備。

另外，由於美國對中國芯片生產採取限制，並限制高端人工智能芯片輸入中國，中國想獲得高端芯片將會越來越困難。中國持續尋求加強國內供應鏈，減少對外國供貨商嘅依賴，不過效果似乎就「不如預期」。