近年新加坡超越香港這一說法盛行，而且數據顯示，外資駐港地區總部撤港情況加劇。據港府統計，以本港為地區總部再減少75間，僅1336間，係2012年有統計以來最低。但反觀新加坡嘅數量多香港3倍，成為外資選擇亞洲總部嘅首選地點。

根據彭博行業研究（BI）嘅最新報告，去年有4200間跨國公司將區域總部設喺新加坡，而且有唔少中企為咗規避地緣政治風險同埋擴大業務範圍，都會揀擇新加坡而唔係香港。

報告指出，喺爭取跨國企業設立亞洲區總部嘅競爭中，香港已經落敗。新加坡已成為香港嘅主要競爭對手，甚至成為中國企業嘅首選地。其中新加坡的優勢包括：與西方國家關係良好、人才供應充裕、經濟多元化、稅務優惠等。

報告又指香港經過實施國安法、疫情期間堅持清零政策，確立其「中國金融中心」地位；而新加坡則有其獨立性，成為國際商務辦事處嘅首選地點。

香港雖然將公司稅率降至16.5%，但仍然難以同新加坡競爭。而且新加坡計劃將公司稅由17%降至13.5%，部分活動嘅稅率可能會更低。當地緣政治風險提升時，新加坡嘅政治穩定性同自由度，就會令佢嘅排名更加靠前。新加坡還為想設區域中心的外資企業，提供針對性嘅激勵措施，效果理想。

喺新加坡設立區域總部的知名企業包括聯邦快遞、微軟、Google、美贊臣、勞斯萊斯、通用汽車等。而且亦不乏中資企業，如TikTok、Shein、蔚來、阿里巴巴、華為同中國物流集團等。

彭博行業研究嘅報告認為，新加坡嘅企業群聚規模有望在未來五年內超越香港，吸引更多全球業務。香港要想重拾跨國企業青睞，需要在營商環境、人才吸引等方面加大力度。