一向熱衷於批鬥嘅黨媒，竟然突然表示將國安概念過度引申至電影作品，極有可能弄巧成拙適得其反，必須確保香港百花齊放嘅「兩制」優勢與固有特色，此舉令外界感到相當意外。

同文匯大公報關係密切嘅「點新聞」，4月30日以「講真D｜電影藝術不能泛政治化」為標題發表評論文章。文章表示，銅鑼灣總統戲院、嘉禾啟德戲院、UA院線紛紛結業，如今香港影視業風雨飄搖，但「豬隊友」卻踩多一腳，認為政府不應該資助支持非主旋律電影，要求政府只資助拍攝愛國電影，有議員仲公開質疑一部受資助電影或明或暗煽惑「軟對抗」。

文章批評，若然凡事泛政治化，用政治標準去衡量去要求文化藝術創作，甚至無限放大政治尺度，度量每一步電影作品，最終結果，只能是作繭自縛，堵死電影藝術發展振興之路，若然時時刻刻用軟對抗、甚至用港獨呢啲標籤，無限上綱上線，將國安議題國安概念過度引申至電影作品，甚至刻意塑造一個間諜角色，極有可能弄巧成拙適得其反，造成負面觀感。

文章提到，只要符合「一國兩制」精神，遵守香港法律底線，符合大眾道德倫理及審美要求，就可以視為係合乎社會規範嘅影視作品。不能因為拍攝一部兇殺片，就被無端指責係刻意宣揚暴力。

文章指出，多元文化係香港建設國際文化藝術交流中心嘅底氣所在，香港係「兩制」特區，應該更廣泛視野、更開放態度、更多元要素、更包容機制，拍攝能夠包容唔同題材嘅影視作品。

文章強調，議員在審議財政撥款，尤其係審議政府資助影視製作時，應該更多地顧及到影視作品的創意特性與大眾屬性，唔好一味簡單地貼標籤，更加唔好寧左勿右地泛政治化，要畀從事文化藝術創作嘅社會成員以更大更多嘅創意創新空間，讓創作人員輕車上陣，創作具有全球影響力的好作品，「這才是說好香港故事初衷」。《I》