中國經濟陷入低迷,面對股市暴跌和房地產爆雷,中共總書記習近平喺1月底嘅中共中央政治局集體學習中提出咗以科技創新為核心嘅「新質生產力」。據美媒《美國之音》報道,習近平創呢個新詞,源自於中國科技落後嘅焦慮感,所以政府要以舉國之力,專注發展有機會「彎道超車」嘅新科技。
中共官媒大篇幅報道之後,「高品質發展」同埋「新質生產力」成為各地政府同專家熱烈討論嘅熱門話題。地方政府紛紛表示要積極培育新質生產力,同時規劃相應嘅發展策略,而且「新質生產力」一詞仲入選《咬文嚼字》編輯部「2023年十大流行語」,唔知大家有冇感受到佢嘅流行程度?
習近平喺2023年9月考察黑龍江嘅時候首次提出「新質生產力」,再喺1月31日嘅中共中央政治局集體學習中再次強調。佢強調推動「高質量發展」嘅重要著力點係要推動「原創性、顛覆性科技創新」,進而發展「新質生產力」。
新質生產力嘅意義係利用新能源、新材料、先進製造同埋電子資訊等戰略性新興產業,打破而家高度消耗資源嘅生產方式,增強發展新動能。
中共中財辦明確提出新質生產力嘅重點將係新能源汽車、鋰電池同太陽能電池等領域。中共中央金融工作會議亦提到要加強對新科技、新賽道、新市場嘅金融支持。
美國「資訊與戰略研究所」嘅經濟學者李恆青對於「新質生產力」一詞持批評態度,佢指所謂「新質生產力」,符合習近平嘅慣用口吻,佢話習成日自創新名詞,就要底下官員學習解讀,實際上只是習近平自己喺度「拋書包」,無助於解決中國目前面對嘅經濟問題。李恆青指出,科技創新應該喺市場供需關係中自然發展,而唔應該由政府官員提出。
《美國之音》又引述經濟學者梁書瑗則表示,中國近年喺新能源車同綠色能源等領域取得咗許多專利,同時亦喺國際上形成競爭優勢。然而,單靠新能源車等重點產業嘅突破,仍未足以拉動中國整體經濟成長。
目前中國經濟低迷,傳統產業面臨寒冬,梁書瑗認為,北京近期動輒將經濟議題提升到國家安全問題,同埋政策嘅矛盾同不穩定,對吸引外資同埋經濟發展帶來負面影響。左