美國中央情報局（CIA）局長伯恩斯（William Burns）喺《外交事務》（Foreign Affairs）網站發表文章，發表喺美國情報高官眼中，中共高層嘅權力遊戲。

伯恩斯表示，改為終身制嘅中國領導人習近平，已進入佢嘅第三個任期，表示佢嘅權力已經超越咗毛澤東之後嘅任何一名中國領導人，然而但佢並無用呢種權力去加強或振興促成中國轉型嘅國際體系，而係打算用嚟改寫。佢表示CIA除咗會研究習近平嘅言論，更加關注佢嘅行為。

伯恩斯提到，習近平嘅國內鎮壓策略，以及佢喺國際上嘅侵略性行為，包括同俄羅斯總統嘅「上不封頂」嘅夥伴關係，對台灣海峽嘅和平與穩定構成威脅，形容係係不容忽視。

文章中，伯恩斯表示，習近平傾向將美國視為一個衰落嘅大國，但美國喺烏克蘭問題上展現出國際領導力，以及對抗普京對烏克蘭嘅侵略所展示嘅決心，種種都同北京預想嘅美國衰敗嘅幻想好唔同。伯恩斯認為，美國喺印太地區嘅盟友嘅韌性，令北京認清現實。而且美國持續對烏克蘭嘅軍援，並未以犧牲台灣作為代價，發出咗美國決心幫助台灣嘅重要訊息。

伯恩斯提及到，美中係喺兩個國家緊密嘅經濟依存，同埋商業聯繫嘅背景下進行競爭。而呢種聯繫對兩國同埋世界各國，提供咗好多好處，但同時曝露咗美國嘅嘅弱點同同風險。

伯恩斯指CIA成立咗10幾個專門針對特定問題嘅「任務中心」，喺2021年，CIA成立咗一個專門針對中國嘅新任務中心，提供咗一個協調對華工作嘅中央機制。伯恩斯確認，未來對中國嘅情報經費會增加一倍以上。

但伯恩斯亦指出，拜登政府亦在加強同北京方面嘅情報溝通管道，以幫助避免美中之間嘅不必要誤解和無意衝突。

此外，伯恩斯亦分析咗俄烏戰爭，佢指普京對於控制烏克蘭有極強嘅執念，佢認為呢種執著反而激發咗烏克蘭人嘅決心。佢分析指普京嘅侵略係失敗嘅，俄軍遭受重大損失，至少有31.5萬人傷亡，戰前嘅三分之二戰車庫存已被摧毀。普京過去所聲稱嘅長期軍事現代化計劃亦告吹，而呢一切都係因為烏克蘭得到西方嘅支持，同烏軍英勇表現。

伯恩斯指出，俄羅斯喺戰場上嘅失利，加上經濟遭受長期影響，確定咗俄羅斯作為中國經濟附庸嘅命運。普京嘅野心令北約（NATO）變得更強大，烏俄戰爭逐漸削弱普京喺俄羅斯國內嘅權力。

伯恩斯認為，維持對烏克蘭嘅援助係成功嘅關鍵，援助金額雖然不足美國國防預算嘅5%，但可以帶來重大嘅地緣政治回報，同埋有助振興美國工業。如果未來俄烏有機會談判，維持軍援可以令烏克蘭嘅談判地位更有利。