不斷推遲嘅中共20屆三中全會終於確定7月召開，喺中國經濟不振嘅背景下，官方推出「長三角經濟一體化發展政策」。有分析認為，香港被搞爛後，連帶依託香港嘅珠三角都無法發展，依家當局淨可以將希望寄託於長三角。

據官媒新華社消息，中共中央政治局周二（4月30日）召開會議，決定今年7月在北京召開中共第20屆三中全會，屆時習近平將主持會議。

主要議程為：中共中央政治局向中央委員會報告工作，重點研究進一步全面深化改革、推進中國式現代化問題；會議將分析研究當前經濟形勢和經濟工作，審議《關於持續深入推進長三角一體化高質量發展若幹政策措施的意見》。

官媒雖然聲稱「以習近平同志為核心的黨中央」領導下，經濟實現「良好開局」。但會議主要方向大多圍繞如何應對當前經濟困局。

值得留意嘅係，過去由國家主席習近平親自謀劃、親自部署、親自推動嘅粵港澳大灣區、雄安新區、北京交易所等，喺今次議程都冇提到。而去年9月提出並在今年兩會時著力強化嘅「新質生產力」並未成為主打詞，只在加強中國科技戰略布局章節稍有提及。

取而代之嘅係，「推動長三角一體化發展」成為今次會議主打詞。會議指出，呢項決策係「以習近平同志為核心的黨中央作出的重大戰略決策」，要求上海「要更好發揮帶動作用」，江蘇、浙江、安徽要各揚所長，不斷譜寫長三角一體化發展新篇章。

《自由亞洲電台》引述獨立媒體人蔡慎坤分析，自中共建政以來，喺毛時代，全會冇固定規律。但係自從1978年提出改革開放之後，每屆全會就按照慣例進行。一般而言，每屆三中全會都會喺9月同12月之間舉行，而焦點通常都係經濟政策同改革方向。

蔡慎坤認為，中共當局未能提出可行嘅經濟振興方案，所謂嘅「新質生產力」都成咗笑話，係導致全會推遲嘅一大原因。直至中共暫時揾到一啲實際可行嘅經濟方向之後，先有底氣召開三中全會。

蔡慎坤表示：「去年或者年初來開的話，它實際上連經濟方向那時候都不清楚。它開始把新質生產力炒熱，但上上下下都覺得是個笑話。現在可能在經濟上找到了一些務實的方法。你看它著眼於長三角經濟發展，都是多多少少能夠穩定經濟的舉措。」

而就中共將經濟重心放喺長三角嘅做法，蔡慎坤就認為，當中共完全控制香港之後，珠三角已經失去咗啲活力，所以長三角成為盤活中國經濟嘅最後希望。

蔡慎坤說：「長三角經濟是中國經濟重要的龍頭，過去是珠三角打頭陣。珠三角的發展過去是依托香港，現在香港被中共徹底搞癱瘓了，經濟總得要有個重心，發展長三角經濟基本上是三中全會基本的調子啊。」

蔡慎坤亦指出，料想第20屆三中全會中共都會進行重大人事調整。好有可能會宣布撤換秦剛同李尚福嘅國務委員身份，同埋宣布繼任者等情況，亦可能因為「六四35周年」而避開六月呢個敏感嘅月份。

不過蔡慎坤都認為，雖然中共喺三中全會上專注喺經濟改革方向，但實際上係出於政治安全嘅考量。佢認為，國際社會對中國經濟未來同政治上嘅變化，唔應該抱有太大嘅期待。《I》