唔少香港人時常去日本旅行，更戲言「返鄉下」。不過疫後通關，日本人就唔多鍾意嚟香港玩，兩地嘅「旅客逆差」達至少5倍。日駐港總領事表示岡田健一，除咗紙水，另一個原因係2019年後，日本人對香港印象轉差；2019年前，日本人認為香港同中國好唔同，但而家感覺差唔多。

日本政府觀光局數據顯示，今年頭10個月，就有166.28萬人次嘅港人訪日，香港人係屬當地第5大客源。而且由於港元強勢，港人喺日本花費更豪爽，由2019年全年人均15.4萬日圓，今年首季「報復式」咁增長到25.2萬日圓、第二季為19.3萬日圓、第三季22.5萬日圓

相對之下今年頭10個月嚟香港玩口既日本人，就只有25萬人次，而且香港已經連續5年跌出「日本人新年十大外遊地點」，遠遜於2019年時嘅綜合排名第7位。數據顯示該榜首位係南韓首爾，其次係台北，第3位係夏威夷檀香山，第10位係法國巴黎。

據RFI、《星島日報》等報道，日本駐港總領事岡田健一表示，日本人減少訪港除咗因為本港物價非常昂貴，亦喺2019年社會事件後，歐美同日本媒體對香港報道，令日本人對港印象變差有關。

佢直言，2019年之前，日本人認為香港跟中國內地好唔同，但今時今日就覺得兩者差不多，佢仲話有朋友問佢，嚟香港係咪唔能夠上網。

日本國家旅遊局香港辦事處事務所長小沼英悟補充指，曾經有日本人向佢查詢，香港係咪仍然唔穩定，仲有人問嚟港會唔會被捕。小沼英悟指，家人知道佢嚟港工作都表達關注。

除咗香港喺日本嘅形象轉差，佢認為香港物價實在太貴係另一個原因，日本多年嚟冇有通脹，但香港則不斷加價，加上日元兌港元大跌，令日本人覺得香港消費昂貴。佢表示，香港住宿成本高昂，即使係日本官員喺得到政府津貼後，仍無法負擔香港嘅住宿費用。

另外注得留意嘅係，喺《港區國安法》生效後，曾發生幾單令日本人警惕嘅事件，中 包括今6年月底，有日本記者入境香港被拒，過程中一度被海關帶走盤問；喺留學期間發表港獨言論嘅香港留日女學生，返港後被控煽動罪成，被判囚兩個月；仲有近期被日本人奉為「香港民主女神」嘅社運人士周庭，喺加拿大宣佈唔再返香港就國安法案件報到，日本媒體多日多都有追踪報道。