加拿大喺2021年針對港人推出「救生艇計劃」，包括提供三年開放式工簽（OWP），俾合資格港人能夠來到加拿大工作然後申請移民。不過，呢個三年OWP即將喺本週五（2月7日）截止申請，而加拿大移民部宣布唔會再延長。
為香港畢業生度身打造嘅開放式工簽（open work permits），會喺2月7日正式停止接受申請。加拿大移民部回覆當地傳媒，強調呢個政策係臨時措施，唔會再延長時限。當局提醒，合資格港人要把握最後機會。
根據救生艇計劃，合資格港人申請到三年開放式工作簽證之後，只要喺加拿大工作夠一年，即可申請成為永久居民。加拿大移民部今日明確表示，簽證申請喺周五結束後就唔會再延期。移民部亦強調，有興趣嚟加拿大發展嘅香港人，仍可以透過其他工作簽證計劃去申請。
加拿大早喺2021年推出「港人救生艇計劃」，讓符合資格港人申請開放式工簽，為期三年，之後可以透過計劃申請成為永久居民。計劃推出後曾經延長過申請期限。移民部數字顯示，截至2024年底，共有超過4.9萬人申請OWP，其中超過4萬人獲批。
自加拿大政府2021年2月8日公布「港人救生艇計劃」以嚟，約有29,100名香港人拿到加拿大學生簽證，包括：
與2021年前5年相比，當時平均每年只有2,500個學生簽證獲批，現在數字明顯上升。
如果將2021年至2024年共29,100名成功到加拿大讀書嘅港人，加埋同期約40,500名成功獲批OWP申請人計算，即總數有7萬港人可透過「Stream A」同「Stream B」成功移民加拿大。實際人數更可能比7萬多人多，因為連同申請人家屬（配偶和子女）都陸續可以申請成為永久居民。
截至2024年，除咗阿富汗、烏克蘭、蘇丹同巴勒斯坦加沙地帶之外，香港係唯一非因武裝衝突而享有特殊移民措施嘅地區，也是首個獲此待遇嘅已發展地區。
其實，港人避風港計劃中嘅開放式工簽原本訂於2022年2月7日截止。凡係香港居民，申請前5年內喺加拿大完成大專文憑或大學學位，或者喺其他國家或地區取得相等程度學位，都可獲批3年工作簽證，進一步過渡成永久居民。合資格港人家屬亦可申請工作簽證同學生簽證。
呢項政策同時適用於持英國國民（海外）護照或者中華人民共和國香港特別行政區護照嘅持有人。到2023年2月，加拿大又公佈延展安排，擴大適用範圍到過去10年大專畢業人士。《I》
