基本法第23條《維護國家安全條例》已經完成立法，選委界立法會議員謝偉俊竟然主動將佢嘅Facebook專頁落架，原因係為咗檢視以前嘅帖文係咪過於尖銳，甚至有可能引起煽動嘅聯想。佢坦言，擔心以前嘅發言，特別係有關「小紅書治港」等等嘅言論，可能會被人故意曲解。

之前喺特首答問會上，謝偉俊關注政府高壓執法，但部分香港市民覺得佢係「親小紅書，而遠離香港市民」。特首李家超就直言，謝偉俊嘅措辭危險，令人聯想起2019年嘅「黑暴」。

謝偉俊話，作為一名執業律師，因為上次嘅經歷，決定要謹慎檢視自己Facebook專頁上嘅言論，以免被人「曲解」，甚至惡意舉報。

謝偉俊進一步解釋，之前發佈嘅帖文一旦被讀者繼續閱讀或下載，可能會被視為持續發佈。佢強調審查專頁嘅目的唔係為咗散播恐慌，作為律師更要審慎處理。至於一般市民，就視乎個人情況，可能要自己檢討。

雖然就連所謂嘅「愛國者」謝偉俊都要自我審查，怕自己唔小心就會誤墮23條之中，但港府就繼續堅稱23條並唔會損害港人權利及自由。

保安局局長鄧炳強致函《紐約時報》，就該報刊登嘅一篇題為「香港人現時只能低聲談論自由」嘅文章，表示強烈不滿同譴責。

鄧炳強喺信中表示，《維護國家安全條例》中有關管有煽動性刊物嘅罪名，明確指出只有當一個人喺冇合理辯解下，管有具煽動性刊物先有機會觸犯法例，有關刊物是否具備煽動意圖，亦要考慮眾多因素，絕不可能喺一個人毫唔知情嘅情況下被定罪。

佢強調《維護國家安全條例》針對危害國家安全行為，已準確界定犯罪元素，一般來港旅客，唔會作出有關活動，因此唔會喺無意間觸犯相關法例，條例列明《基本法》及相關國際人權法中規定看權利及自由，依法受到保障，強烈敦促《紐約時報》需確保有關香港嘅報道公平公正，停止危言聳聽。《I》