北京當局經常將「責任不在我方」掛喺嘴邊，部分中國人似乎亦「耳濡目染」，慣於將外地嘅不同歸咎為他人嘅責任。有內地男就喺小紅書發文稱港人有「9大怪」，卻遭到網民反諷「有乜奇怪？」唔單止香港被質疑，近排啱啱畀中國免簽待遇嘅新加坡，亦被《鳳凰周刊》質疑「物價貴到癲狂」，又話星洲‌‌事無巨細都罰款，「一不小心就變窮光蛋‌‌」。

《香港01》報道，有內地男喺小紅書發文表示，佢成為「港漂」之後，發現香港人有「9大怪」嘅「潛規則」，包括：

第1怪：時間觀念強。香港人非常注重時間，準時到達係一種基本禮貌。喺約會、工作同其他活動度，準時真係非常重要。

第2怪：高效率。香港係高效率嘅城市，人哋慣常迅速完成任務同埋快速達到目標。喺工作同生活度，高效率同快速反應係被睇得好重要。

第3怪：省時省力。香港人生活節奏快，注重節省時間同精力，佢哋慣常用各種便利設施，例如自助服務、網上購物同外賣等。

第4怪：健康意識。香港人非常重視健康，佢哋注重飲食均衡、定期鍛煉同保持身體健康。健身房、晨跑同瑜伽等健身活動喺香港好流行。

第5怪：環保意識。作為高度發達嘅城市，香港人注重環境保護同可持續發展，佢哋慣常進行垃圾分類、節約能源同減少碳排放等行為，例如使用環保袋購物。

第6怪：禮貌同尊重。香港人具有強烈禮貌同尊重他人嘅習慣，喺公共場所，佢哋慣常排隊、保持安靜同尊重他人嘅空間。

第7怪：攜帶現金。雖然港鐵、餐廳同超市可以刷卡或者使用移動支付，但喺一啲街市同餐廳，仍然需要攜帶現金。

第8怪：攜帶長袖外套。香港夏天室外好熱，室內卻好凍，冷氣通常好強，所以即使係大熱天，出街都需要攜帶1件長袖外套。

第9怪：攜帶水壺。香港一啲公共場所有飲水機，攜帶水壺會好方便，係一個省錢嘅小技巧，因為香港嘅礦泉水價格比較高。

睇到呢度，如果你以為只不過係大陸個別網民喺網上亂up博流量，咁只能話你“Too simple! Sometimes naive!”（太簡單，有時幼稚）。鳳凰衛視旗下嘅時政刊物《鳳凰周刊》，近日突以「第一批免簽去新加坡的中產已經破產了」為標題發布文章，批評新加坡物價貴，文章喺內地被瘋狂轉載。

文章首先批評新加坡過於擁擠，「除夕當日生效的免簽協定，讓新加坡成為這個春節熱門旅遊地之一。出發前，一線中產們幻想著白天在花園城市來個City Walk，晚上在商業區燈紅酒綠的好日子；出發後，幻想破碎得只剩下4個字，『人在冏途』….新加坡大年第一景，就是咱熟悉的人山人海…大家一邊擔心出現踩踏事故，一邊在擁擠中深切感受到什麼叫‌‌『溫室效應』。」

批評完擁擠之後，文章接著批評星洲樣樣嘢都罰款，「新加坡的法律制度嚴明，事無巨細，執法還格外嚴格…坐地鐵，上車后擰開昂貴的礦泉水喝上一口，突然有工作人員說地鐵飲水罰款500新幣；下了車拿出香煙，誰知又被罰了1000新幣；喂鴿子一把苞米，就要繳納500新幣的罰款；上完廁所不沖要罰150新幣；一旦沒看紅綠燈非法橫穿馬路，就要被罰50新幣；寫‌‌『xxx到此一游‌‌』是一種土豪行為，最高罰款2000新幣，或者處以3年監禁；蹭別人家Wi-Fi，會被定義為黑客行徑，罰款10000新幣或者處以3年監禁」。

文章形容，“Fine City”新加坡，‌係‌「環境優美的城市‌‌」更係‌‌「罰款‌‌」之城。又話新加坡之所以成就花園城市嘅優美環境同彬彬有禮嘅市民文化，係「罰出來的文明‌‌」。

文章稱，唔少赴星州嘅網友喺社交平台上淚訴「免簽不是免費……中產和破產之間，只隔著一個新加坡！沒錢的人別去新加坡」。又話新加坡被大家稱作「性價比最低的東南亞旅遊國家」。《I》