政治陰霾下，中港兩地經濟情況明顯不佳，唔少本地商人近日都喊出要以「保本保命」為首要目標。但係，官方就不停高吹所謂經濟光明論，商人們如果「課金」唔夠就要小心被「拉清單」。

全國政協副主席梁振英接受報章訪問時表示，香港應該善用英語優勢同跨境基建等優勢，積極爭取外國同跨國企業嚟香港設立大灣區總部。佢認為部分商會同專業團體對大灣區嘅前景有所「憧憬」，但就覺得佢哋未有充分參與，令佢感到失望。

梁振英直接點名香港總商會、香港出口商會同香港中華廠商會，話呢啲商會有好多資源同會員，應該擴展相關服務同多啲推廣內地政策。

早前，特首李家超亦曾經有類似表態。佢話，香港作為大灣區中心城市之一，必須深刻掌握大灣區新歷史使命，同其他大灣區城市全力攜手推進灣區建設。

李家超提到，港府嘅《施政報告》提出多項全面提升大灣區城市間高水平合作嘅重點措施，包括香港同深圳等大灣區城市在規劃上深度對接嘅北部都會區發展，特區政府將通過專班形式與廣東和深圳緊密聯繫，優勢互補，加快推進北都嘅發展，實現合作共贏。

對於呢班高官嘅說法，有網民回應話：「明知上面係大雞棚都叫人去投資，即係叫人貢獻祖國」、「支持！應該強制港資參加大灣區發展」、「教人做生意？跟誠哥學唔好？」、「邊個唔去就國安法拉鳩」、「做咩唔用國安法叫佢地參加？唔參加國家計劃wo, 犯哂法啦dllm」等。