亞洲基礎設施投資銀行（AIIB，簡稱亞投行）被前加拿大籍主管控訴遭中共把持並作為謀利工具，加拿大政府近日表示決定擴大審查，並且無限期暫停參與，並向澳洲、英國、德國同瑞典提出咗關切。

亞投行係中國領導人習近平於2016年發起並推動嘅項目，目的係抗衡西方喺世界銀行同國際貨幣基金嘅主導地位。亞投行有106個國際成員，包括澳洲、加拿大、法國同德國等西方國家。

根據加拿大財政部8日嘅新聞稿，加拿大副總理兼財長方慧蘭（Chrystia Freeland）發佈聲明，話經過同一啲最親密嘅國際合作夥伴協商後，加拿大決定擴大對亞投行嘅審查。包括對亞投行嘅投資同埋佢嘅治理和管理架構進行分析，檢視亞投行嘅決策同專案選擇係咪需要進一步改進；仲有評估亞投行嘅工作文化、治理改革，同埋管理層對近幾個月提出嘅擔憂嘅回應。聲明話，雖然同合作夥伴嘅接觸仲繼續緊，但加拿大對亞投行嘅參與將會無限期暫停。

內文提到，10月喺摩洛哥舉行嘅世界銀行（World Bank）同國際貨幣基金（IMF）年度會議期間，加拿大同澳洲、德國、瑞典同英國嘅官員討論咗呢件事。

加拿大今年6月暫停咗對亞投行嘅參與，因為時任亞投行加拿大籍公關主管畢加博（Bob Pickard）指控亞投行受到中共黨員主導，並批評亞投行文化「有毒」。佢認為亞投行嘅成員資格唔符合加拿大利益，並喺6月中旬宣布已經辭職。

畢加博當時話，亞投行被中國共產黨把持，成為謀利工具，放貸畀中國一帶一路倡議鎖定嘅國家，「呢個係實現中華人民共和國嘅地緣政治目標嘅工具…實際上，我認為佢係為咗中國嘅利益服務。」又話「成個組織好似前蘇聯情報機構嘅國家安全委員會（KSB）、前納粹嘅秘密警察蓋世太保（Gestapo）或者東德嘅情報機構史達西（Stasi）咁樣。」

另一邊廂，台灣喺馬英九政府時期曾致力加入亞投行未果。對此，陳水扁政府時期嘅台灣前財政部長顏慶章撰文稱「台灣倖免亞投行的劫難」。

文章提到，亞投行成立之初，儘管美國大力勸阻盟友加入，但「形成一面倒的態勢」，英國不顧美國強力反對，成為申請加入嘅主要西方國家及首個G7成員。至2015年4月15日，報名亞投行嘅截止日，創始會員國已有57個，其中有14個歐盟成員國，「美國堪稱兵敗如山倒」。

當時馬英九政府強烈希望加入亞投行，決定用Chinese Taipei名義申請，但就一直被冷處理。直到2016年1月亞投行首任行長金立群引述該行協定第三條第三款規定，表示：「不享有主權或無法對自身國際關係行為負責的申請方，應由對其國際行為負責的銀行成員同意，或代其向銀行提出加入申請」馬政府才幡然覺悟，就算台灣同意使用 “Taiwan, China ”（中國台灣）嘅稱謂，也不當然具有加入亞投行嘅機會，因此才放棄加入。

文章最後稱，「回顧7年前，中國無情羞辱台灣又狂妄藐視美日的亞投行，如今面臨『偷雞不著蝕把米』（台語俗語，意即想佔便宜但反而蝕底）的窘迫…台灣備遭中國羞辱，而『倖免』於亞投行的刼難」。《I》