根據台灣《自由時報》19號報導，菲美兩國將於本月22號至5月5號舉行年度「肩並肩」（Balikatan）聯合演習，並選在主權爭議最大嘅南海舉辦，美方對外預告，今次兩國演習將係歷年最大規模，而今次美菲軍演，將會同舊年一樣進行「實彈擊沉演習」，今年將會擊沉嘅目標係一艘「中國製造」嘅船艦，美方刻意放出「炸爛中國製船隻」嘅消息，威嚇中國嘅意圖明顯。

根據菲方演習執行官 洛希科（Michael Logico）早前表示，演練中將擊沉嘅船隻，係一艘退役菲律賓海軍艦艇。外界認為係菲國海軍退役嘅補給艦「卡里拉亞湖號」（BRP Lake Caliraya），該船原為菲律賓「國家石油公司」轄下「航運及運輸公司」之雙殼油輪，在2014年捐贈俾菲國海軍。而「卡里拉亞湖號」就係由中國製造，係菲國海軍唯一「中國製」海軍資產，該船排水量4570噸。