近日中國各地天氣轉熱，原應係小龍蝦之銷售旺季。但有消息指，近期小龍蝦價錢比4月初跌咗近七成，有業者對此表示，市場需求下降係價錢下跌嘅主要原因。

根據《中國證券報》4月27號報導，有「湖北、江蘇」等小龍蝦產地批發商透露，近期養殖小龍蝦嘅價錢，較月初明顯下降。按照小龍蝦身形可分為「小青、中青、大青」，批發價分別係每斤「8蚊、12蚊、28蚊」，其中「小青」在4月初嘅價錢係20蚊，一個月暴跌七成。

產地批發價大跌，零售價同樣反應下降。在北京多個生鮮超市中，小龍蝦零售價比月初明顯下降，價錢普遍在20元/斤至35元/斤。北京某超市負責人表示：而家小青賣4斤100，但前段時間1斤可以賣到30幾，估計之後會更平。

合肥批發市場信息中心信息員 張飄逸認為，今年小龍蝦價格下跌嘅主因係市場消費需求唔高。另外，有關「小龍蝦身價暴跌」之信息，在4月24號都登上微博熱搜第一。有高達1.7億次嘅閱讀量及2.6萬次嘅討論量。

小龍蝦於90年代在武漢興起，隨著「門店、大排檔」陸續推出，最終成為特色餐點，在中國各地爆紅。不過多年來被媒體多次爆出養殖環境惡劣，甚至有商家捕撈「水溝小龍蝦」販售。另有報導指，小龍蝦存在寄生蟲，導致食用人數大減。

報導製出，小龍蝦在2005年崛起之後，市場規模開始不斷壯大。2018年，小龍蝦市場迎來一波高峰。根據企查查數據，當年同小龍蝦相關之企業註冊量，突破6000間，比2017年之註冊量增加1.5倍。不過近年小龍蝦光環不再，有關企業註冊量逐年下滑。