根據《美國之音》1號報導，美國前總統 特朗普（Donald Trump）嘅助理 班農（Steve Bannon），在當日向聯邦監獄報到，隨後被收押。班農被官方定罪，原因被指係抗拒國會傳票，拒不配合眾院委員會對2021年1月6號選後嘅反叛事件調查。

班農向位於 康涅狄格州丹伯里 嘅聯邦感化院報到，佢對在場記者表示，自己雖然係「政治犯」，不過佢對入獄一事感到自豪。班農並指責民主黨人及美國司法部長 加蘭德（Merrick Garland）造成佢被判刑四個月。

班農在2022年被裁定藐視國會等兩項控罪成立，上訴期間近兩年，並有法官批准佢在上訴期間維持自由身，不過今年5月華盛頓特區聯邦巡回上訴法院，由三位法官組成之合議庭維持班農有罪判決，法官隨後就下令班農開始服刑。雖然班農再提上訴，但依然被駁回。

由於最高法院裁定佢不准再推遲服刑，班農在當日向感化院報到，並有支持者聚集，當中亦包括聯邦眾議員 格林（Marjorie Taylor Greene）。格林於周日在推特X發文指，監禁班農係「我國之恥辱」。抗議嘅支持者並呼喊：叛國者！等口號。