根據台灣《中央社》2號報導,印度外交部在今日宣布,外交部長 蘇杰生將代表印度參加「上海合作組織峰會」,意味著印度總理 莫迪將唔會出席,亦唔會見到 習近平。由於兩國邊界爭議持續,印中關係持續處於低谷。
「上合組織」將於4號在哈薩克首都「阿斯塔納」(Astana)召開第24屆領袖會議。印度外交部在當日宣布,外長 蘇杰生(Subrahmanyam Jaishankar)將帶領印度代表團出席。
印度外交部表示,印度在上合組織嘅優先倡議係「安全、經濟合作、連通度(connectivity)、團結、尊重主權、領土完整、環境保護」等。外媒報導指,俄羅斯總統 普京(Vladimir Putin)將會出席,習近平已經抵達「阿斯塔納」。
印度國會下議院在近日開議,總理 莫迪(Narendra Modi)由於政務繁忙,委由外長 蘇杰生代為出席。不過有觀察人士認為,莫迪缺席可能同印中關係低迷有關。