根據台灣《中央社》30號報導，日系百貨「伊勢丹」上海梅龍鎮店在當日終止營業，過去已有百貨內部人士透露，梅龍鎮店由於租約到期而選擇關店，近年實體消費不振、網購盛行，百貨行業面臨經營壓力，大量知名百貨因此關閉，伊勢丹在中國亦淨低一間，反映中國百貨業面臨巨大經營壓力。

伊勢丹早在3月已發布消息，指上海梅龍鎮店將在6月30號終止營業。接近閉店嘅幾日，商場門口掛上「告別海報」，大樓內布滿倒數計時、感謝顧客等標語，店家把握最後機會推出折扣促銷活動清貨，折扣集中在2至5折，唔少民眾特登前往百貨選購特價品。

根據「聯商網零售研究中心」統計，在2023年中國全國範圍內，有21間百貨商場停業閉店，其中包括「太平洋百貨、永旺、百盛、解百、大洋百貨、新世界百貨」等曾經火爆一時嘅知名百貨。有百貨員工透露，伊勢丹離場之後，原地將會大動作改造更新，附近店家應會陸續關閉。

伊勢丹於1997年選在繁華嘅南京西路商圈開業，同「恆隆廣場、中信泰富」組成「梅泰恆金三角」，係一代上海人嘅回憶。伊勢丹在中國嘅經營不斷式微，2022年先關閉成都店，今年初又關閉位於天津嘅兩間百貨。梅龍鎮伊勢丹百貨關閉之後，中國市場將淨下天津仁恆一間伊勢丹百貨。