根據《自由亞洲電台》（RFA）6號報導，隨著中美關係緊張，香港自然成為中美重要角力場。對於 特朗普重回白宮，會香港會帶來咩影響？在台港人 羅子維認為，抗中大戰略係美國兩黨共識，相信 特朗普上台亦唔會有巨大改變，同無必要似2019年時錯誤投射，認為 特朗普係港人救星，因為 特朗普都係以美國利益為優先。前立法會議員 許智峯就相信，特朗普較願意得罪中國，或對爭取香港民主自由有利。

過去美國邊一位候選人當選總統，對港人未必有直接影響。但隨著中美關係持續緊張，香港議題成為焦點，特別在2019年「反送中」後。雖然 特朗普曾簽署《香港人權與民主法案》、《香港自治法案》，並頒布行政命令，取消對港特殊待遇，並制裁損港自治嘅中港官員。

不過外界指出，最初 特朗普將「反送中」形容為中國內部事務，即將香港當作中國一部分，而事件只不過係中國內政。令有傳媒指，美國外交政策官員，一直諗辦法要 特朗普在香港問題上，採取更強硬嘅立場，因次在背後推動「制裁港官」嘅運作，其實係出自一班幕僚。

4年後 特朗普捲土重來，港人對「特朗普2.0」時代有咩睇法，是否仍覺得佢會撐香港民主？香港中大末代學生會副會長 羅子維指，對抗中國嘅大戰略係美國兩黨共識，相信佢再次上台亦唔會有巨大改變，但無需似2019年嗰陣，錯誤投射以為佢會係港人嘅救星。特別係 特朗普曾多次提到，佢同中國國家主席 習近平有幾友好。

羅子維指出，特朗普上次任內主導美中貿易談判嘅 萊特希澤（Robert Lighthizer）曾指，在2019年貿易戰時，特朗普多次向中方代表強調，談判不會涉及香港社會運動。可能在戰略上或利益上大家有相同方向，好似在美中利益有矛盾時，特朗普為咗Make America Great Again，顧及此舉恐損害中方利益，並被視為係對抗，因此先用香港民主做交換，恐怕非救星。

特朗普在日前受訪時表明，一旦當選會要求中國領導 習近平釋放 黎智英，並安排佢離開中國，呢個係 特朗普參選後首次就 黎智英案表態。不過 羅子維形容，特朗普係個「狂人總統」，除咗話會救 黎智英，亦曾講過台灣搶走美國晶片產業，要向台灣收取保護費等，佢對於「中、港、台」嘅政策仍係未知數，但相信都會以美國利益為優先。

羅子維指出，一直以來或在過去5、6年來，美國政府其實都好關注香港民主，做咗好多事。美國華府之所以關注有兩個原因，一、美國利益以及幫香港民主對抗中國，兩者目標一致；二、因為有民主普世價值，但如果冇後者只有前者，未來美國對港政策會否因中國而放軟、可以傾談，香港民主會否就此不被重視？呢個令人擔心。

美國駐港澳總領事 梅儒瑞在周三6號會見傳媒時表示，望改善美國及香港嘅關係。而現時香港可以做嘅，包括改善《壹傳媒》創辦人 黎智英及47人初選案等政治犯嘅待遇。

前立法會議員 許智峯同認為，美國對「中港」嘅政策不會有大改變，但 特朗普作風相對大膽，唔驚得罪中國，唔少對港辣招都在其任期推出。許智峯表示，佢嘅價值取態未必係強烈的嘅民主人權鬥士，但基於地緣政治、國際政治形勢，可能在兩方競爭嘅情況下較願意得罪中國。

許智峯又指，對特朗普當選，其打擊中國嘅措施應會更強烈，可能連帶幫到香港人爭取民主自由嘅部分。許智峯估計，美方有可能關閉香港駐美經貿辦，並可能以「對美經濟貢獻、對中經濟貢獻」做政治談判籌碼剛，加上佢不怕得罪中國，可能在幾個不會產生嚴重後果的部分，大刀闊斧做得更盡啲。

至於一般香港市民又有咩睇法？RFA記者在香港時間6號下晝，即美選結果大致底定嘅時候，在香港進行隨機訪問，唔少受訪市民均指，冇留意今次美國總統選舉。

其中從事電子零售嘅 余生 就表示，因工作關係較有留意。佢表示：自己從事行業主要係製造業，廠家多在大陸生產，如果 特朗普當選，好多廠家都已做足準備，要將廠房搬至「泰越」，或係為咗避關稅。