根據《自由亞洲電台》（RFA）5號報導，香港保安局計畫在未來，年年在各區安裝至少2000部監控，令監控頭隨時運作無處不在，不過當局拒絕回應將在全港安裝閉路電視嘅總數。市民普遍認為係浪費公帑，直言政府「以監控為實」。在立法會內有議員建議，可推展利用無人機配合，規定全港萬架的士車cam上雲端，供警方監控用。

RFA記者根據實地考察報導指，在旺角 登打士街新裝嘅閉監控，大都裝在燈柱上，但全數較一般運輸署所裝嘅低，離地大概約2.5米高，亦在燈柱上貼有警方的嘅二維碼。翻查資料，香港警方在今年初已於旺角率先安裝 15 組，多數位於人流較多嘅街道，例如：登打士街、水渠道花園一帶。

受訪市民 陳生指，明顯覺得旺角多咗閉路監控，感覺監控市民作用大於為咗安全。陳生認為，裝咗監控一樣係咁多賊，就算裝幾多閉路都好，只要香港經濟一路轉差，就會有咁多類似事件發生。就算市民將來有咩聲音想講出來，或者想反對一件事時，你可能都冇權講。

另名受訪市民 邱女士亦有同感，邱女士只指，香港本身已有天眼，現時裝在燈柱、仲要裝得咁近地，究竟係為乜？佢擔心個人私隱如登入網路銀行時被監控。裝咁多監控就係為咗監控，用好聽嘅理由純粹就係為咗包裝，此舉絕對係浪費。

報導指出，保安局周二5號在立法會簡報《施政報告》，在保安政策措施文件中提到，為保障市民生命財產、對街頭暴力及嚴重罪案發揮阻嚇作用，警方今年已在多區安裝 360 組閉路電視，並計劃明年再加裝 2000組，往後每年再加裝2500組。

對於最終香港要裝幾多部？保安局長 鄧炳強未有正面回應，不過就話，當然警方要平衡資源及人手，有人問要全覆蓋要裝設幾多部？我舉個例，英國有730萬部；新加坡現時有9萬部，新加坡去到2030年，將會有20萬部。

議員則一面倒贊成，民建聯 葛珮帆就提議運用低空監控，並指近日在內地考察發現，內地已不再用閉路電視，而係裝設無人機系統。建議未來計劃除咗裝固定位CCTV，政府或可考慮用新嘅無人機系統，然後可多個部門共享，並用人工智能加強監察巡邏。鄧炳強就回應指，無人機屬低空經濟，未來會依據趨勢，研究用無人機協助執法。

選委會 陳沛良就提議，警方可利用的士車cam，並指運輸物流局將考慮，或會在所有的士安裝「車Cam」，將錄到影像上雲端處理，認為保安局可考慮同物流局傾，未來將有萬架有車Cam嘅的士在街上，等於有萬幾個流動嘅錄影監控。

鄧炳強在會上提到，留意到公職人員在執行《維護國家安全條例》時不確定點做，因此會以工作指引及改變思維方式，將維護國安責任「置於腦中」，強調指引不包懲罰性，但亦指出若有公務員故意違反，會按正常公務員守則處理。