根據《明報》報導，美國共和黨總統候選人 特朗普競團，在周一28號罕見發聲明，同撐場嘉賓嘲笑美國屬地 波多黎各為「垃圾島」等言論劃清界線。分析認為，此舉反映隨著大選投票日逼近，特朗普及其陣營擔心同「種族歧視、法西斯主義」掛鈎，不利選情。

而且合資格嘅 波多黎各選民數量龐大，隨時可左右選情，尤其在關鍵游離州 賓夕法尼亞。美國《國會山莊》報29號有專欄指，特朗普競選團隊在大選臨近之際，正努力應對呢場自製嘅「十月驚奇」。

上周日晚，諧星 欣奇克利夫（Tony Hinchcliffez）在紐約市 麥迪遜廣場花園，特朗普嘅競選集會上，嘲笑 波多黎各係「漂浮嘅垃圾島」，又指「拉丁裔鍾意生仔」。加上 特朗普近日攻擊非法移民時，曾指美國儼然成為「全世界嘅垃圾桶」，有關言論引起非議。

波多黎各人尤為反感，覺得超出玩笑底線，有損尊嚴，連 波多黎各嘅共和黨主席 辛特龍（Angel M. Cintrón）都要求 特朗普，為有關言論道歉。特朗普嘅非正式顧問 烏爾萬（David Urban）亦批評 欣奇克利夫，其言論「無趣」並冒犯 波多黎各嘅朋友。

隨後，特朗普競選團高級顧問 阿爾瓦雷斯（Danielle Alvarez）發出聲明，澄清有關 波多黎各嘅「玩笑」，並不反映 特朗普或其競選觀點。欣奇克利夫本人亦表示，佢一向以所有人做玩笑，認為批評者冇幽默感。

《紐約時報》指出，「切割」舉措有別 特朗普及其團隊「不道歉、不認錯、試圖忽略爭議」等慣常做法。特朗普及其團隊，近日努力撇清種族主義及法西斯主義。周一晚在關鍵州 喬治亞州，特朗普更強調自己非「納粹分子」。

在加勒比海嘅美國屬地 波多黎各，當地人雖為美國公民，卻無美國總統選舉嘅投票權，惟居於美國本土又有登記做選民先可以投票。在關鍵州 賓夕法尼亞，逾47萬名 波多黎各人，就係該州最重要嘅拉美裔選民。

在上屆大選，拜登在該州僅以1.17%得票（約8.2萬張選票）險勝 特朗普。《華盛頓郵報》指，拉美裔佔美國合格選民約6%，當中有一半係波多黎各人。