根據台灣《中央社》30號報導，瑞士「蘇黎世藝術大學」近日終止同中國「哈爾濱工業大學」在中國嘅聯合辦學項目。無獨有偶，「蘇黎世聯邦理工學院」亦宣布將加強對中國留學生嘅安全審查，共有17所中國大學及研究機構被點名。

《德國之聲》中文網當日引述瑞士《每日導報》報導指，經過數年爭議及再度評估，「蘇黎世藝術大學」（ZHDK）終止在中國嘅聯合辦學項目，已解除同「深圳國際設計學院」嘅合約，呢所學院由「蘇黎世藝術大學」及「哈爾濱工業大學」合辦，規劃合作期為30年。

「蘇黎世藝術大學」校長 邁里奇（Karin Mairitsch）對此作出解釋，有關終止合作嘅兩個理由係，一、學位學制標準不同帶來障礙。二、運作方面存在風險。目前西方國家已有多間學校宣布，中止同中國嘅合辦大學項目。

今年9月初，美國「喬治亞理工學院」（Georgia Institute of Technology）宣布，終止同中國天津、深圳嘅研究教育合作關係。其中「天津大學」及附屬機構，曾被指從事危害美國國安等行為，包括竊取商業秘密並同中國官方進行研究合作，推動中國嘅軍事發展。

早在2021年5月，瑞士媒體就曾報導，「蘇黎世藝術大學」有部分師生，對於校方同涉及軍事嘅中國大學合作並不贊成。「哈爾濱工業大學」屬於中國國防七校之一，目前係中國工業及信息化部直屬大學。

另一方面，在社交網站Reddit上，近日有網友熱議「蘇黎世聯邦理工學院」（ETH Zurich）在24號公布一份新政策，指校方將加強對中國留學生嘅安全審查政策。

「蘇黎世聯邦理工學院」係歐洲名校，同時係科學家 愛因斯坦嘅母校。根據網友公開嘅文件，該校對來自特定國家嘅學生恐會有額外審查，以確保在研究方向符合出口管制政策。

進入該校審核名單嘅17間中國大學及科研機構包括：中國科學技術大學、北京航空航天大學、哈爾濱工業大學、四川大學、天津大學、國防科技大學、北京理工大學、西北工業大學、電子科技大學、哈爾濱工程大學、北京郵電大學、南京理工大學、南京航空航天大學、洛陽理工學院、中山大學、中國空間技術研究院、中國工程物理研究院。

另外需接受審查嘅專業項目有「航太、機電工程、應用物理、應用化學、化學生物、化學工程、人工智慧、量子技術、核技術、網路工程」等。

微博帳號「美國留學那點事」在29號指出，此舉意味著以後所有中國人，幾乎無可能得以入讀該校嘅「科學、技術、工程、數學」領域（STEM）專業。