根據台灣《中央社》29號報導，中國自2021年起實施教育「雙減」政策，嚴厲打擊教培行業至今已3年。《路透社》報導指出，近日中國為促進就業，正默默放鬆對教培行業嘅監管力度，今年上半年當局發放嘅補教許可證數量上升11.4%。

《路透社》在28號報導指，據8名產業人士及2名分析師指，雖然政策上未正式承認改變，但而家中國官方對補教業發展採取默許態度，支持創造就業機會。

2021年7月，中國官方發布「關於進一步減輕義務教育階段學生作業負擔及校外培訓負擔（雙減）意見」，規範補習嘅時間及指導價，強力限縮補教業發展，造成大量從業人員失業。同年底，教育部即表示，學科類補教業被壓減8成以上。

《路透社》報導指，該措施導致「新東方教育科技集團」、「好未來教育集團」等補習機構，市值蒸發數十億美元，並導致萬人失業。在此之前，中國補教業估值約1000億美元，前3大企業共雇用超過17萬名員工。

一名中國家長 李小姐指，在雙減政策實施後，佢仍繼續為兒女報名一對一數學輔導及線上英語課，而近幾個月，補習班嘅營運比2021年以來更公開。在政策啱頒布時，輔導機構多會拉上窗簾上堂，近日好似少咗。

荷蘭國際集團（ING）大中華區首席經濟學家 宋林（Lynn Song）表示，中國冇可能承認打壓過頭，相反會默默放鬆監管力度。整體政策環境已自限制轉向支持，現時主要目標係穩定。佢認為，補教業應會自整體政策環境轉變中獲益。

報導指，有2名負責監管事務嘅大型教培高層指，近幾個月，政府正加速放鬆打擊力度，最顯著嘅變化就係國務院在8月，將教育服務納入刺激消費20條舉措中。此舉提振咗上市教育公司嘅股價。該時間點同1100萬大學畢業生進入就業市場嘅時機吻合。

有2名教培業高層表示，自今年8月以來，校方自中國官方收到嘅訊息係，補教業仍將受到嚴格監管，但只要業者不違反官方對「核心學科教學」嘅有關限制，就會有更廣闊嘅合法經營空間。

報導引述研究公司Plenum China 嘅數據，由今年1至6月，課外營利補習班嘅有效許可證，數量至少上升11.4%。同時，根據年度報告及就業平台顯示，「新東方、好未來」等補教機構，今年已招聘數千個職位，學校數亦有所提升。

報導令指，官方放鬆監管嘅令一個原因係，中國私人補教業在過去3年雖有所減少，但仍以各種形式存在。教培業者通常會重新設計課程以規避限制，或用更隱晦嘅詞彙來推廣，例如：將數學相關課程稱為「邏輯思考」，英文課就改為使用英語教授嘅「科學相關課程」。

在教培業遭打壓嘅同時，一對一家教蓬勃發展。報導引述上海家長 楊小姐所指，由於政策轉變，迫使家長選擇每堂800人民幣嘅私人家教，或者自己用時間去幫助孩童學習。佢指出：如果雙減政策持續落去，富人及其他人之間嘅學業差距，將會變得更大。