根據港媒《東網》28號報導，由於中國旅客消費模式轉變，加上港人北上消費成為常態，嚴重打擊本港餐飲零售業。有議員當日在立法會委員會上形容，零售業面對前所未有嘅「冰河期」，另指：我諗你商經局都唔知我哋有幾大鑊！該議員並引述數據，指本港首8個月零售業總銷貨額較13年前，即2011年更加差。

本身係零售業嘅議員 田北辰，當日在會議上直指零售業好慘痛，銷售數字連5個月下跌雙位數字，佢形容當前形式係前所未有嘅「冰河期」，不知道何時先會解凍，因為今回係一個結構性轉型。佢又指，現時香港有「三高」問題，包括「人工高、租金高、物價高」，港人北上消費，粵客南下打卡，該現象非短期可以扭轉嘅情況。

田北辰又指，現時餐飲零售業僱員大概有50至60萬人，佔勞動人口好大比例，加上現時可自駕遊，港車可以申請北上，之後7月1號深中通道通車，港人可駕車直至深圳，佢對在場人士表示：你話我哋幾大鑊，我諗你(商經局)都未知我哋幾大鑊。

田北辰又引述數據指，今年頭8個月零售業總銷貨2,500億港元，較2011年2,600億港元更差，指現時係返回2011年水平，然當年私人零售業租金126港元一尺， 現時係171港元一尺，增加逾30%，當年工資中位數係8,500港元，但今日係1.6萬港元，上升88%。

對於政府早前提出行業要改革，要零售業自救，不過 田議員指：我哋嘅性價比好差，香港自己要檢討，呢樣嘢知嘅，人工無得郁，但租金要回落。田議員又指，在租金回落方面，業界需2年時間「抖氣」，當租約屆滿，業主要降低大概3至4成租金。

田北辰又指，政府近期重啟還息不還本，對中小企確實有幫助，起碼可以「預住」租金，之後再同業主商討減租。另外，現時商舖差餉佔租金5%，望政府考慮將來年商舖差餉全免，令業界可以渡過難關。

商經局局長 丘應樺就回應指，政府內部亦有數據，明白業界情況，而業界亦有責任轉型應付難關，銀行方面亦推出多項措施協助，至於其他建議，政府會探討及研究如何協助中小企。