根據海外揭真媒體《看中國》24號報導，23號晚網傳一段影片，只見一個駕駛中嘅司機，一路歇斯底里咁怒叫：共產黨唔俾我活！我要殺人！個司機一路揸著快車一路鬧，完全無視路上交通燈，並沿途搵車撞，沿途遭撞嘅車輛至少有50架。

隨後有網上消息指，該畫面事發地在山東青島市，有一架大型水泥攪拌車在人民路逆行衝撞，50幾架行駛中車輛被撞，多架車被撞成廢鐵，車上監控顯示，司機一路撞車一路憤怒大鬧：馬你個B，共產黨不讓我活了，我要殺人！我操你娘⋯⋯

推特X有消息補充指，事發於23號夜晚9點左右，攪拌車逆行連撞50幾架車，好多車被撞成廢鐵，裡邊都仲有人，傷亡肯定非常慘重。又係一件報復社會事件，攪拌車司機一路故意撞車口上又不停鬧共產黨。

隨後又有多個畫面被揭露，有畫面顯示在紅路燈下，攪拌車逆行並撞向私家車，同時發出強烈嘅撞擊聲，撞碎硬物及玻璃破碎聲稀裡嘩啦不斷，有車瞬間被撞翻四輪朝天。

多架車嘅前部後部被撞爛，亦有車被撞到面目皆非，掉車輪、被撞扁、撞出大坑，多車當場報廢，地面散落各式碎片。有架公交車被撞得滿目瘡痍，道路上一片狼藉、現場慘不忍睹。

有拍攝者在現場稱，攪拌車報復性衝撞報復社會，逆行連撞50車。另有拍攝者驚呼，唔知車內啲人點樣？要命了，哎呀！呢架車直接撞報廢，裡邊仲有人，架車一半冇晒。

消息震驚社會，不過更值一提嘅係中共嘅一連串操作。在獻忠事件發生後，當局緊急刪除所有有關畫面及評論內容，有漏網留言問：司機在駕駛中講咗乜？有網民隱晦答：係牆內不能講嘅內容。

10月24號，山東 青島市公安局 市北分局 發布警情通報，指10月23號21時26分該局接報，指青島 市北區 人民路 悅薈廣場附近，一混凝土攪拌車「同多車發生碰撞」。

不過警方稱，傷者已送醫，目前有3人留院治療，均無生命危險。嫌疑人48歲男性 孫某某「涉嫌醉酒駕駛」，已被公安機關控制，調查工作正在進行。警方避重就輕，不提「惡性事件、50幾車被撞」等細節，反引發知情市民憤怒。

《中國數字時代》報導指出，警情通報中未提事故規模、司機作案動機，文字描述似有「大事化小」之嫌，唔少網民並懷疑當局意圖「洗白」，在通報中加上「開車不喝酒，喝酒不開車」，刻意強調事件屬普通「酒駕事故」，而非「報復社會事件」。

有網民指出，事件嘅有關畫面在牆內被大規模清除，最被針對嘅就係司機在車內拍到嘅畫面，搜索關鍵詞只有少量事故現場畫面仍可睇到。有山東網民留言指發：肯定有人傷！有人指：報復性撞車！一邊撞一邊罵，一邊罵一邊撞。亦有網民指：老百姓戾氣太重。

推特X有網民評：共產黨唔俾活你應去殺共產黨！有人認為，相較其他悶不作聲嘅無差別獻忠，小哥大鬧共產黨算係巨大進步。有人話：小哥敢作敢當旗幟鮮明，朝廷再講酒駕都蓋唔住！有網友認為，黨真係有一手，無論點奴隸老百姓，百姓搞底層互害，黨依然高高在上。不過有網民憂心指：社會已經在崩潰邊緣。